Námaleifi Björgunnar er að renna út. Á sunnudagskvöldið 31. ágúst 2008 rennur út bráðabyrgðaleyfið. Samkvæmt heimildum kjalarnes.is var það ekki endurnýjað fyrir helgina. Landeigendur hafa bent aðilum á að ef sanddæluskip sjáist efti miðnætti næstkomandi sunnudagskvöld mun verða gert úr því lögreglumál. Þá er bara að sjá hvað gerist.

{mosimage}

Nýlega voru settir upp brettapallar norðann Klébergsskóla og battavöllurinn var grasteppalagður í gær. En svo vill einkennilega til að lognið var að flýta sér í nótt og ýtti eilítið við þessum mannvirkjum eins og áður hefur komið fram  og sjá má á myndum sem fylgja hér með. {mosimage}

Battavöllurinn er glæsilegt mannvirki sem er til mikilla sóma, eins er með brettapallana en samt þurfa alltaf eithverjir einstaklingar vera að gera það að leik sínum að krota á allt þar á meðal brettapallana. Mest af krotinu hefur verið hreinsað. Vonandi fær battavöllurinn frið fyrir þessum skemdarfíklum, nóg að fá gáminn á girðinguna.

{mosimage}

{mosimage}

{mosimage}

{mosimage}

{mosimage}

Já, enn og aftur kemur veðrið okkur á óvart. {mosimage}

Gámur á pílaplani Klébergsskóla fór af stað í nótt og rúllaði niður á girðinguna við nýja battavöllinn sem lokið var við að leggja gervigrasið á í gær. Eitthverjar skemdir eru á girðingunni og eins hefur gervgrasið farið af stað í logninu í nótt.

{mosimage} Norðan byggðakjarnans hefur gámur lagst til hvílu í nótt. Eitthvejar skemmdir virðast vera eftir að hann hefur verið rifinn af bílnum.

Veðurstöðvarnar hjá Esjubergi og Skrauthólum fóu í um 35 m/sec í nótt um kl 4 en heldur seinna eða um kl 6 sló veðurstöðin Laufbrekku í 35 m/sec.

{mosimage}„Það fer að hrynja úr bökkunum og þá styttist í kirkjugarðinn. Það getur orðið á komandi vetri ef illa fer," segir Anna Margrét Sigurðardóttir í Saurbæ í Hvalfirði.

Anna hefur áhyggjur af vaxandi landrofi vegna ágangs sjávar.
Saurbær er við mynni sunnanverðs Hvalfjarðar. Sigursteinn Jósefsson, eigandi jarðarinnar Hjarðarness þar austan við, hefur sagt í Fréttablaðinu að hann telji orsökina fyrir landrofi á svæðinu vera malarvinnslu fyrirtækisins Björgunar sem hófst þar á sjávarbotni eftir að sæstrengur var fluttur við byggingu Hvalfjarðarganga. Anna tekur undir þetta.

Anna segir að eftir að sjór hafi nagað úr bökkunum við kirkjugarðinn í Saurbæ þannig að mannabein stóðu út úr hafi verið byggður vandaður sjóvarnargarður þar neðan við á árinu 1979. Varnargarðurinn hafi nú látið gríðarlega mikið á sjá og löngu sé tímabært að styrkja hann.
„Ef ekkert verður að gert er stutt í að þarna gerist eitthvað sem betur hefði ekki orðið. Það hefði náttúrulega átt að vera löngu búið að því með allri þessari efnistöku þarna fyrir utan," segir Anna og bendir á að stór skiki sé farinn úr túnunum við Saurbæ og að ljósleiðari sem Síminn hafi grafið í túnið fyrir nokkrum árum sé nú í lausu lofti í fjörukambinum. „Þetta er allt í hers höndum."

{mosimage} Forstjóri Björgunar hefur í Fréttablaðinu sagt að fyrirtækið bíði umhverfismats Skipulagsstofnunar vegna malarvinnslunnar. Siglingastofnun segir áhrifin á landrof ekki mikil.
Sigursteinn hefur sent mótmæli við malarvinnslunni til yfirvalda. Meðal annars vísar hann til yfirlýsinga tveggja staðkunnugra manna sem taka undir það með honum að landrofið hafi verið mikið á síðustu árum.
„Það fer ekki milli mála að þarna hefur orðið talsvert landbrot," segir í yfirlýsingu Ólafs Magnússonar sem kveðst reglulega hafa átt erindi að Hjarðarnesi á árunum 1988 til 1998 sem starfsmaður RARIK og rafveitustjóri Kjósarveitu.

Frétt af visir.is

Sumardagar Brautarholtssóknar

vikuna 5. – 8. ágúst 2008

Brautarholtssókn býður upp á hina árlegu sumardaga í Fólkvangi dagana 5.-8. ágúst nk. frá kl. 9:00-12:00. 

Sumardagar eru leikjanámskeið sniðið fyrir börn 6 til 9 ára. Farið verður í leiki, sungið saman, fræðst um trúna, lífið og tilveruna í leik og starfi. Sumardagar eru í boði Brautarholtssóknar og þátttakendum að kostnaðarlausu. 

Nauðsynlegt er að koma með útiföt því farið verður í gönguferðir, leiki og fleira utandyra. Brautarholtssókn býður upp á drykki í nestistímanum en börnin koma sjálf með nesti. 

Umsjón með sumardögunum hefur Ingi Þór Emilsson æskulýðsfulltrúi Ástjarnarsóknar og með honum verður valið lið æskulýðsleiðtoga.  Nánari upplýsingar um Sumardagana má fá hjá Inga Þór í síma 861-4099

Sumardagarnir eru í boði

Brautarholtssóknar 

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.