{mosimage} Nú blásum við til fundar vegna ástands reiðvegamála, hesthúsahverfis og fl. miðvikudagskvöldið 7. maí í Fólkvangi kl 20:00.

Tvöföldun Vesturlandsvegar mun hafa mikil áhrif á okkar reiðleið í gegnum Kjalarnesið, sem er að vísu ómöguleg í dag, en þar þarf að fara að láta hendur standa fram úr ermum. 

Einnig þurfum við að ræða með hvaða hætti okkar hagsmunum verður best borgið í framtíðinni, þurfum við að stofna okkar eigið hestamannafélag? Eða hvað skal gera?

Samráðsfundur með borgarstjóra og Kjalnesingum verður haldinn í Fólkvangi næstkomandi laugardag 26. apríl kl 14 - 16.

Sjá nánar á vef rvk.is

Afgreiðslutími næstu helgidaga verður:

Fimmtudagur 24. apríl  Sumardagurinn fyrsti 11 - 17

 Fimmtudagur 1. maí  Uppstigningardagur  Lokað

Borgarstjórn samþykkti í gærkvöld samhljóða áskorun til samgönguráðherra og formanns samgöngunefndar um að beita sér fyrir því að Sundabraut verði lögð í göngum. Jafnframt yrði verkhönnun hafin samhliða mati á umhverfisáhrifum til að flýta fyrir framgangi málsins. Fram kemur að göngin séu langbesta lausnin til langrar framtíðar.

Borgarstjórn segist í áskoruninni treysta því að samgönguráðherra og formaður samgöngunefndar beiti sér fyrir því að ákvörðun um legu Sundabrautar verði tekin sem fyrst þannig að framkvæmdir geti hafist eigi síðan en á síðari hluta næsta árs.

Af ruv.is

Hreinn byggir álit sitt á rannsóknum sem búið er að gera á fyrirhugaðri gangaleið og áliti sérfræðinga sem skoðað hafa málið fyrir Vegagerðina. „Það er orðið mjög vel þekkt bergið og hugsanlegur leki á þeirri leið, bæði eftir rannsóknir síðastliðins sumars og eins er mikið til af gögnum frá borunum í Reykjavík fyrr og síðar. Þegar þetta er allt lagt saman tel ég að engin stórhætta sé á miklum leka á þessari gangaleið,“ sagði Hreinn.

Í nýlegri kostnaðaráætlun vegna Sundaganga er reiknað með því að gerð þeirra verði eitthvað dýrari á lengdareiningu en t.d. gerð Hvalfjarðarganga. Sagði Hreinn að reiknað sé með heldur meiri þéttingum á bergi við gerð Sundaganga en þurfti að beita í Hvalfirði.

Hvað varðar hættu af jarðskjálftum fyrir Sundagöng sagði Hreinn að jarðskjálftasérfræðingar væru sammála um að hætta af jarðskjálftum sé ekki meiri fyrir jarðgöng en önnur mannvirki. Ísleifur bendir á að einungis ein rannsóknarhola af 13 hafi verið boruð niður í sjávarbotninn á 1,5 km hluta gangaleiðarinnar. Hreinn sagði að auk holunnar sem boruð var frá sjó hafi verið skáboraðar rannsóknarholur frá landfyllingum undan Kleppi og Gufunesi og inn undir sjávarbotninn. Hann sagði menn telja sig hafa mjög góða mynd af jarðlögum á þessu svæði. Þau séu raunar óvíða jafn vel þekkt og á Reykjavíkursvæðinu.

Auk rannsóknarborana nú hafi menn öðlast mikla þekkingu á jarðlögunum við kaldavatns- og heitavatnsboranir í gegnum árin. Hreinn benti á að við undirbúning Hvalfjarðarganga hafi engin rannsóknarhola verið boruð frá sjó. Hann sagði að Árni Hjartarson jarðfræðingur, sem stýrði rannsóknarborunum vegna Sundaganga, þekki jarðfræði Reykjavíkur manna best. Því hafi hann verið fenginn til verksins.

Hvað varðar áhyggjur Ísleifs vegna loftræstingar Sundaganga sagði Hreinn að ekki væri búið að fullhanna verkefnið, enda ekki verið ákveðið hvort í það verði ráðist. Hann taldi þó líklegast að slík göng yrðu loftræst út um gangamunnana. Ef mengun úr göngunum reynist vera umfram leyfileg mörk þurfi að hreinsa loftið úr þeim með hreinsibúnaði.

af mbl.is

Mikil uppbygging er þegar hafin í Leirvogstungu í Mosfellsbæ. Vestan hringvegar og á athafnasvæði við Tungumela austan hringvegar er fyrirhugað að tengja þessi svæði betur saman og auka umferðaröryggi þeirra sem um hringveg og þessi svæði þurfa að fara, með gerð mislægra vegamóta.

Í aðalskipulagi Mosfellsbæjar 2002-2024 er gert ráð fyrir um 430 íbúða byggð í Leirvogstungu á um 44,2 ha svæði vestan hringvegar og atvinnustarfsemi á athafnasvæði á Tungumelum austan hringvegar.

Ístak hf. hefur flutt þjónustumiðstöð sína á Tungumela og hafið sölu á húsum fyrir atvinnustarfsemi þar. Í aðalskipulaginu er gert ráð fyrir mislægum vegamótum við vegamót hringvegar og tengibrauta að Leirvogstungu og Tungumelum.

af mbl.is

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.