Uppsögn úr frístundaheimilinu þarf að berast fyrir 10. hvers mánaðar.

{mosimage}{mosimage}

Þegar að Krakkarnir bjuggu til "snjóhús" úr mjólkur fernum:D

{mosimage}{mosimage}

Ýtarleg frásögn um skólann fram til 1998 er einnig að finna í bókinni Kjalnesingar (Þorsteinn Jónsson 1998) 

Fjöldi nemenda er eitthvað í kringum 50 börn og fer fjölgandi.

Undanfarin ár hefur leikskólinn lagt megináherslu á umhverfismennt og skapandi starf. Umhverfisfræðslan felst í því að læra að virða og vernda náttúruna.

Mikil áhersla er á að börnin njóti náttúrunnar sem við höfum allt í kringum okkur. Einnig fá þau verkfæri til að skoða og rannskaka það sem vekur sérstakan áhuga hverju sinni t.d. ýmislegt úr fjörunni, gróður og smádýr.

Við flokkum allan úrgang og endurnýtum allt sem við getum nýtt. Við endurgerum alla pappírsafgang og búum til fallegan pappír sem notum í myndmennt og í útskriftarbækur sem börnin fá þegar þau hætta.

Einnig seljum við kort úr endurgerðum pappír í ágóða fyrir ferðasjóð.

 “Lifið einföldu lífi til þess að aðrir geti einfaldlega lifað” Gandhi.

Við söfnum lífrænum úrgangi og gerum moltu sem fer síðan í garðinn okkar og þar ræktum við grænmeti. Allar hreinlætisvörur eru umhverfismerktar og maturinn að mestu lífrænn.

Í skapandi starfi er áhersla á tónlist, myndmennt og leikræna tjáningu. Á hverju vori setjum við upp sýningu  á verkum vetrarins ásamt tónlist og leikriti sem oftast er samið á staðnum.

Í nýja húsinu okkar er aðstaða sérstaklega góð fyrir þessa áhersluþætti, stór listaskáli sem við getum notað til skoðunar og rannsókna og myndsköpunar úr ýmsum efnum og salur með leiksviði sem á eftir að nýtast vel til sköpunar.

Útileiksvæðið er frábært með útsýni til sjávar og Esjunnar, auðvelt að fylgjast með veðri og fuglalífi.

Á leikskólanum Bergi er lögð áhersla á að hafa leikskólann vistvænan, sem dæmi má nefna er leikskólinn með umhverfisvæn leikföng, safnkassa, grænmetisgarð og þar er líka lögð áhersla á endurvinnslu.

Nú er íþróttastarfið hafið og búið að skrá niður þátttakendur.
Þeir sem hafa samþykkt að nýta sér frístundakortið eru nú skráðir hjá www.reykjavík.is og bið ég foreldra um að fara inn á vefinn og samþykkja sem fyrst. Áríðandi að það sé gert fyrir 16. okt. Svo við fáum greitt. Þeir sem ekki hafa samþykkt að nýta frístundarkortið á eyðiblöðum í íþróttahúsinu en óska eftir því geta sent mér tölvupóst með nafni og kennitölu barns, svo og íþróttagrein. Veffangið mitt er gunnagrims@simnet.is

Aðrir þátttakendur eru hvattir til að ganga frá greiðslum.

Hægt er að ganga frá greiðslu í íþróttamiðstöðinni (minni á léttgreiðslur) eða leggja inná reikn. U.M.F.K. sem er :
0315-26-030402 kt: 700895-2979

Þá er mikilvægt að skrá nafn barnsins inná skýringar með greiðslu, annars kemur ekki fram hver greiðir.

F. h. U.M.F.K.
Guðrún gjaldkeri

Þá er vetrardagskráin fyrir íþróttastarf UMFK komin hér. 

Sund 6-15 ára

Sundæfingar halda  áfram fyrir krakka á grunnskólaaldri. Æfingar verða undir stjórn Jóns Karlssonar á mánudögum og miðvikudögum kl. 14.40 -15.20 og og 15.20- 15.50. Athugið að fyrsta æfing verður miðvikudaginn 12. september. Haustönn stendur yfir frá september fram í miðjan desember og æfingagjöld miðað við 2 x í viku er kr. 12.000- Skráning er hafin hafin íþróttamiðstöðinni Klébergi.

Fimleikar

 Fimleikar hefjast 10. september og lýkur um miðjan desember. Æfingar verða eins og áður 2 x í viku 75 mínútur í senn í senn á mánudögum kl. 19:00 – 20:15  og fimmtudögum kl. 15:00-16:15. Áfram verður lögð áhersla á að auka styrk, liðleika og fimi og þannig lagður grunnur að frekari fimleikaiðkun. Æfingagjöld fyrir haustönn eru kr. 12.000- Þjálfari verður Selma Úlfarsdóttir. Skráning er hafin í íþróttamiðstöðinni Klébergi. 

Fótbolti

Fótboltaæfingar verða eins og áður á miðvikudögum kl. 16.00 yngri flokkur og kl. 17.00 eldri flokkur. Á laugardögum kl.10:00 yngri flokkur og kl. 11:00 eldri flokkur. Stefnt er að keppnisferðum. Þjálfarar verða Kristinn Guðmundsson og Þórður Ingi Marelsson.

Æfingar hefjast þann 12. september og standa fram í miðjan desemberr. Æfingagjaldið er kr. 12.000- Skráning er hafin í íþróttamiðstöðinni Klébergi.

Dans

 Dansnámskeið fyrir fullorðna verður haldið dagana 19. og 20. október,  og kenndur verður Sving dans. Dansinn verður frá kl. 20.00 – 22.00 hvort kvöld. Þetta er skemmtilegt tækifæri fyrir Kjalnesinga  og Kjósamenn að skella sér í snúning og hafa gaman saman. Swing er einfaldur dans, skemmtilegur og auðveldur og hægt að dansa við öll tækifæri. Við hvetjum hjón, pör og einstaklinga til að mæta og læra að dansa Swing á tveimur kvöldum.  Mikilvægt er að mæta í þægilegum lágbotna skóm. Leiðbeinendurnir, Hinrik Örn Bjarnason og Brynja Ásdís Einarsdóttir frá samtökunum Komið og dansið sjá um kennsluna.  Nauðsynlegt er að skrá þátttöku sem fyrst og ekki síðar en 10.október hjá Fríðu Halldórsdóttur. Verð fyrir par er 2500 kr. og 1500 kr. fyrir einstakling.  Látið þetta ekki fram hjá ykkur fara!

 Einnig verður sérstakt Swing dansnámskeið haldið fyrir unglinga  í félagsmiðstöðinni. Allar nánari upplýsingar um það berast til félgasmiðstöðvarinnar þegar nær dregur. Viljum við nota tækifærið og hvetja unglinga til að nota tækifærið og læra skemmtilegan dans.

Stafganga

Stafgöngunámskeið fyrir konur og karla verður á haustönn. Gengið verður 2x í viku, á miðvikudögum kl. 20.00 og sunnudögum kl. 10.30.  Hefst námskeiðið sunnudaginn 16. september og stendur yfir í 10 vikur. Skráning er hjá Fríðu Halldórsdóttur í  síma 553-7998 á kvöldin. Allir velkomnir, bæði konur og karlar. Bæði byrjendur og lengra komnir. Miðvikudaginn 12.  september verður kynning á stafgöngu fyrir byrjendur og er mæting við Esjugrund 48. kl. 20.00. Skráning fyrir kynninguna er nauðsynleg í síma 553-7998  svo hægt verði að útvega lánsstafi fyrir þá sem vilja prófa.

SUMARHÁTÍÐ 19. MAÍ 2007 Á KJALARNESI

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.