Tökum upp hanskann..
|

Fíflagangsmót í FlekkudalFíflagangsmót verður haldið í Flekkudal í Kjós. laugardaginn 26. ágúst nk.
|
Fíflagangsmót verður haldið í Flekkudal í Kjós. laugardaginn 26. ágúst nk.
21 ágúst 2006
Mótið hefst kl. 15.00 og verður keppt í eftirtöldum greinum:
50 metra teskeiði – Vökvatölti – Slaktaumagangi- Hindrunarstökki-Bæjarboðreið og Bændatölti.
Í skeiðinu er það huglægt mat dómaranna hver sýnir fallegasta skeiðið og fer hraðast. Þeir taka á móti fjárframlögum vina og ættingja keppenda við brautarenda.
Í Vökvatöltinu verða riðnir tveir hringir á hringvelli, hratt og verður keppandi dæmdur úr leik ef hann skilar ekki í það minnsta 2/3 hluta af vökva í glasinu. Má síðan klára úr glasinu.
Í Slaktaumagangi safna keppendum stigum skv. eftirfarandi. Leyfilegt er að taka í taum á milli gangtegunda. Dæmt er fyrir hraða, frumleika og fegurð í reið.
10 stig fyrir að ríða fet við slakan taum
20 stig fyrir að brokka við slakan taum
30 stig fyrir að tölta við slakan taum
40 stig fyrir að stökkva við slakan taum
10 auka stig fyrir frumleika og fegurð í reið
Í Bændatölti (lulli) er það geðþóttaákvörðun dómara hver vinnur - hægt er að múta dómurum.
Í Hindrunnarstökki verða þægilega lágar hindranir.
Bæjarboðreið: Þar kemur hver bær með 4 keppendur. Leyfilegt er að fá lánaða knapa annars staðar frá.
Það telst frekar galli ef hestar eru skráðir í Worldfeng.
Tungubaslarar, roparar og hrekkjalómar eru sérstaklega boðnir velkomnir.:-)
Keppendur eru líklegri til að vinna til verðlauna í hverri grein ef pör keppa saman. Skemmtilegast væri ef keppandi mætir í frumlegum og skemmtilegum búningum.
Skráningu lýkur fimmtudagskvöldið 24. ágúst nk. hægt er að skrá í gsm. 8997052 eða gudnyi@simnet.is
Allir unnendur góðs gríns og íslenska hestsins eru boðnir velkomnir að koma að horfa á og hvetja sitt fólk.
Vetrarstarf UMFKVerið er að leggja lokahönd á skipulag þróttastarfs UMFK fyrir komandi vetur. |
Verið er að leggja lokahönd á skipulag þróttastarfs UMFK fyrir komandi vetur.
Íbúadagurinndagurinn |
Sumardagar BrautarholtssóknarFyrir börn 6 ára og eldri |
Sumardagar eru leikjanámskeið fyrir börn 6 ára og eldri haldið í Fólkvangi á vegum Brautarholtssóknar.
Fræðsla, föndur, leikir, söngur og margt fleira skemmtilegt verður á sumardögunum.
Sumardagar eru í boði Brautarholtssóknar og þátttakendum að kostnaðarlausu.
Brautarholtssókn býður upp á drykki í nestistímanum en börnin koma sjálf með nesti. Nauðsynlegt er að koma með útiföt.
Umsjón með sumardögunum að þessu sinni hefur Ingi Þór Emilsson æskulýðsfulltrúi Ástjarnarsóknar og með honum verður valið lið æskulýðsleiðtoga.
Nánari upplýsingar um Sumardaga má fá hjá Inga Þór í síma 861-4099
Gengið á Græna treflinum: Mógilsá - Esjuhlíðar |
30. Maí 2006
![]() Það er víða fagurt í Esjuhlíðum. Mynd: JFG 2005 |
![]() Gott útsýni er til margra átta úr Esjuhlíðum. Mynd: JFG 2005 |
Þetta eru léttar, fræðandi göngur, öllum opnar og ókeypis.
Þessi fyrsta ganga miðar að því að kynna þessi útmörk Græna trefilins.
Upphaf göngunnar er á bílaplaninu á Mógilsá (á sama stað og algengur uppgöngustaður á Esjuna).
Gengið verður um Esjuhlíðarnar undir leiðsögn Aðalsteins Sigurgeirssonar, forstöðumanns á Rannsóknastöð Skógræktar á Mógilsá, Brynjólfs Jónssonar, framkvæmdastjóra Skógræktarfélags Íslands og Símons Þorleifssonar, formanns Skógræktarfélags Kjalnesinga.
Göngufólki verður boðið upp á léttar veitingar.
Nánar:
Skógræktarfélögin á höfuðborgarsvæðinu vinna sameiginlega að framkvæmd verkefnisins um Græna trefilinn í samvinnu við sveitarfélögin.
Í sumar bjóða skógræktarfélögin upp á skógargöngur þar sem gengið verður eftir Græna treflinum frá norðri til suðurs.
Dagskráin verður kynnt jafnharðan á skog.is og með fréttatilkynningum.
Göngustaðir eru eftirfarandi:
1. júní: Mógilsá
8. júní: Mosfellsdalur
15. júní: Hamrahlíð/Úlfarsfell
22. júní: Austurheiðar í Reykjavík
29. júní: Heiðmörk
6. júlí: Vatnsendi/Guðmundarlundur í Kópavogi
13. júlí: Uppland Garðabæjar
20. júlí: Höfðaskógur í Hafnarfirði
27. júlí: Kaldársel, Skólalundur, Undirhlíðar í Hafnarfirði.
Við hvetjum alla unnendur ræktunar og útivistar til þess að mæta í þessar skemmtilegu og fræðandi göngur.
Fylgstu með! Skráðu þig á póstlista á aðalsíðu skog.is og fáðu helstu fréttir og upplýsingar um viðburði á vettvangi skógræktarhreyfingarinnar. Skog.is - Lifandi síða!
![]() |
1143 |

![]() |
1144 |

![]() |
6 |

![]() |
1080 |

![]() |
1122 |

![]() |
368 |

{mosimage}Það er nokkuð síðan að við Kjalnesingar höfum átt frambjóðendur ofarlega á lista stjórnmálaflokka til Alþingis. Við alþingiskosningarnar n.k. laugardag er heimamanninn Þórir Ingþórsson, Esjugrund 52 í þriðja sæti á lista framsóknarmanna í okkar kjördæmi. Þórir hefur barist ötullega fyrir málefnum okkar Kjalnesinga sem varaformaður hverfisráðsins og er ekki neinn vafi á að hann sem þriðji maður á listanum geti haft veruleg áhrif á hagsmunamál okkar ef við veitum Framsóknarflokknum brautargengi.![]() |
303 |

Samgöngur til og frá höfuðborginni
Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum.
Slit og slysahætta
Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut.
Hefjumst handa við tvöföldun þjóðveganna til og frá Reykjavík
Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin.
Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir.
Því segi ég vaknaðu herra samgönguráðherra. Slysin gera ekki boð á undan sér.
Þórir Ingþórsson
Esjugrund 52
116 Kjalarnesi
![]() |
52 |

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.
{mosimage}
Kjalarnesið - Vítaverð vanræksla R-listans
Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.
Kjalnesingar hlunnfarnir
Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.
En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.
Öryggismál í ólestri
Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.
Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.
Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.
Margsvikin loforð
Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.
Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.
Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.
Korter fyrir kosningar
Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.
Slík framkoma sýnir fádæma valdhroka og er því frágangssök.
Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.
Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.
Greinin birtist í Morgunblaðinu þriðjudaginn 28. mars 2006.



