Sameiginlegur fundur “flestra ráða” á Kjalarnesi 5.apríl kl 20:30 í Fólkvangi og lognið var að flýta sér frekar mikið.

 Efni fundarins:

1. Sumardagurinn fyrsti

2. Kjalnesingadagurinn

3. Hvað hefur verið gert fyrir okkur eftir sameiningu, og hvað ekki.

4. Þorrablót og fleiri innansveitarskemmtanir

5. Önnur mál.

Mættir:

Anna Filbert björgunarsveitinni, Baldvin Grétarsson íbúasamtökin, skóræktarfélaginu, Magnús … foreldrafélagið, Rósi … foreldrafélagið, Ásgeir Harðarson formaður sóknarnefndar, varam. hverfisráðsins, Hafsteinn Númason íbúasamtökin, Guðni Indriðason formaður ungmannafélagsins, forstöðumaður Sundlaugar og Fólkvangs, Símon Þorleifsson formaður skóræktarfélgsins og íbúasamtakanna, Iðunn …. formaður kvennfélgsins Fríða Þráinsdóttir verkefnastjóri frístundarheimilins og félagsmiðstöðvarinnar, gjaldkeri kvennfélagsins, Petra …. kvennfélaginu, Ásta …. kvennfélaginu.

Snorri skólastjóri Klébergsskóla og Steinunn leikskólastjóri boðuðu forföll.

1. Sumardagurinn fyrsti.

·         Umræða um að lítið hafi verið gert á Kjalarnesi síðustu ár en Kjalnesingadagurinn hefur verið í 3 ár.

·         Ákveðið var að hafa sumardaginn fyrsta dag krakkana, en hann hefur verið fermingardagur á Kjalarnesi, en ekki í ár.

·         Voru góðar undirtektir að því að gera þennan dag hátíðarlegan.

·         Sameiginleg ákvörðun fundarmanna að Fríða stjórni þessum degi.

·         13:00-17:00 skipulögð dagskrá, leikskólinn, íþróttahúsið, skólinn, Kátakot, Flógyn og Fólkvangur,  sameiginlegur viðburður allra félaga á Kjalarnesi, haldið hátíðlega. Kirkjan getur komið með kynningu á barnastarfi og margt fleira.

·         Þeir sem bjóða sig fram í skipulagsnefnd eru  Petra, Anna og Rósi. Undirbúningsnefndin hittist fljótlega.

1. Kjalnesingadagurinn, laugardagur 25. júní 2005.

·         Kajaksiglingar, hestar teymdir fyrir börnin, saga Kjalarness komi sterkar inn, kvöldvöka með varðeld.

·         Þessi dagur er í góðum höndum Íbúasamtakanna. Fleiri aðilar mega koma að þessum degi.

1. Hvað hefur verið gert fyrir okkur og hvað ekki?

·         Miklar umræður urðu varðandi þessa spurningu og margir tjáðu sínar skoðanir.

·         Mikið var rætt um gatnamálin að það hafi lítið sem ekkert verið gert í þeim, einungis steyptar gangstéttir, en gatnamót inn í hverfi eru búin að koma oft á blað en lítið verið gert í því að laga þau.

·         Íbúasamtökin voru stofnuð fyrir 3 árum til að vinna fyrir Kjalarnes, þetta er þrýstihópur og hagsmunasamtök kjalnesinga og hafa þeir unnið í ýmsum málum s.s. að laga skólaaðstöðuna og lóð hennar, gerðu skýrslur um umferðaröryggismál, og fóru fram á að bæta gangstéttir sem voru áður moldarflag.

·         Rætt var um hverfaráðið og þá sem þar skipa sæti eru ekki búsettir á Kjalarnesi og finnst fundarmönnum það mjög skrítið.

·         Það vantar sparkvöll á Kjalarnesi og hefur verið ábótavant í mörg ár en sá eini sem börnin höfðu var tekinn fyrir nýja leikskólann,

·         Fríða las upp tillögu ungmennaráðs Kjalarness fyrir fundarmenn, og verður þessari tillögu komið til borgarstjórnar 12.apríl kl. 14:00 í ráðhúsinu. Fundarmenn voru mjög ánægðir með framlag unglinganna og þar kom fram á meðal annarra mála að það vantaði sparkvöll og komu unglingarnir með rökstuðning fyrir því.

1. Þorrablót.

·         Kvennfélagið sér um þorrablótið á næsta ári. Og ákveður hvernig verður valið í næstu þorrablótsnefnd.

·         Ekki var rætt um aðrar skemmtanir.

1. Önnur mál.

·         Hitamál á Kjalarnesi eftir forvarnarfundinn sem var 4.apríl í Klébergsskóla, léleg mæting en niðurstöðurnar voru mjög slæmar.

·         Foreldraröltið er mikil og góð forvörn og hvað er hægt að gera til að bæta mætingu foreldra í röltið, Eru foreldrar að framfylgja útivistatíma barnanna? Eru þeir að mæta í foreldraröltið?

·         Símon sagði frá forvarnaraðgerð sem er notuð í Danmörku og er hægt að skoða hana á þessari heimsíðu: http://www.crimprev.dk/sw2627.asp . Þessi aðgerð tókst mjög vel, mikill árangur varð og börn minnkuðu neyslu á mjög stuttum tíma og ekki er óvitlaust að taka hana upp hér.

·         Íþróttahúsið! Er hægt að hafa það opið fyrir unglinganna á kvöldin eins og fyrir þau litlu á laugardögum milli 11-12.  Guðni svarar þessari spurningu og  finnst ekkert vera því til fyrirstöðu að skoða þetta mál. Magnús kom með hugmynd að fá foreldra til að bjóða sig fram til að vera með umsjón yfir íþróttasal, það var tekið vel í þessa hugmynd.

·         Ákveðið var að halda annann sameiginlegann fund ráðanna  31. maí kl. 20:30.

Fundi slitið kl. 23:00.

Hverfisráð Kjalarness og Forvarnanefnd Reykjavíkurborgar boða til opins íbúafundar um forvarnamál mánudaginn 4. apríl nk.

Fundurinn verður haldinn í Klébergsskóla og hefst kl. 20:00.

Dagskrá

- Vímuefnaneysla og félagsleg staða unglinga á Kjalarnesi
Fulltrúi frá Rannsóknum og greiningu.

- Drög að nýrri forvarnastefnu Reykjavíkurborgar
Marsibil Sæmundsdóttir formaður Forvarnanefndar Reykjavíkurborgar og formaður Hverfisráðs Kjalarness.

- Reynslan af hverfabundinni forvarnastefnu í Grafarvogi
Þráinn Hafsteinsson íþrótta- og tómstundaráðgjafi í Miðgarði Grafarvogi.

- Forvarnir, foreldrar og skóli
Guðrún Ebba Ólafsdóttir borgarfulltrúi.

- Umræður

Allir velkomnir
Hverfisráð Kjalarness
Forvarnanefnd Reykjavíkurborgar

Verður í Fólkvangi laugardaginn 4. des kl 14:00. Eins og fyrri ár þá eru vinningarnir nú þegar farnir að flæða útúr húsinu.

Hefur þig dreymt um að fara með fjölskyldu þinni í skógarhögg þar sem þið veljið ykkar eigið jólatré og höggvið það sjálf?

Einstaklingum sem og starfsmannahópum gefst nú, eins og undanfarin ár, frábært tækifæri til að koma í desember að Fossá í Kjós og ná sér í jólatré.

Gott væri að hópar tilkynni um komu sína.

Helgarnar  3. og 4. desember, 10. og 11. desember og 17. og 18. desember verður opið þar fyrir almenning, frá kl. 11:00 til 15:00. Vilji hópar koma á öðrum tíma þá er hægt að panta það sérstaklega. Allur ágóði rennur til skógræktar og uppbyggingar útivistarsvæðis á jörðinni. Skógræktarfélögin í Kópavogi, Mosfellsbæ, Kjalarnesi og Kjós eiga þetta svæði og hafa plantað í það í um 30 ár.

Þið getið komið með nesti með ykkur og sest inn í húsið að Fossá, sem er gamalt og lélegt, og borðað nestið þar svo lengi sem húsrúm leyfir.  Ef veðrið er gott er líka hægt að setjast niður með nestið í einhverju skógarrjóðrinu . Einnig geta hópar fengið keypt kaffi í Félagsgarði af Kvenfélagi Kjósarhrepps, sjá nánar á næstu bls..

Við viljum beina því til þeirra sem höggva sér tré að þeir hlífi skógarjöðrunum og höggvi trén sem næst rótinni (skilji ekkieftir hluta af trjánum) þó þeir borgi fyrir og nýti aðeins þá lengd  sem hentar.

Verð á jólatrjám 2005

            Greni  og Fura                                

≤ 1 m                       2.000

≤ 1,5 m                    2.500

≤ 2 m                       3.000

≤ 2,5 m                    3.500

≤  3 m                      4.000

≤  3,5 m                   4.500

≤  4 m                      5.000

Með því að velja íslenskt jólatré styrkir þú skógræktarstarfið í landinu. Fyrir hvert selt jólatré geta skógræktarfélögin gróðursett 30 - 40 ný tré.

Jólatré stendur best ef það er geymt á köldum og rökum stað fram að jólum (jafnvel að standa í vatni). Við uppsetningu er rétt að saga þunna sneið (5 – 10 cm) neðan af trénu og láta það standa samfellt í vatni yfir hátíðarnar. Mikilvægt er að það þorni aldrei!

Íslensk jólatré eru barrheldnari en innflutt vegna þess að þau eru höggvin miklu síðar en þau innfluttu og ef þau þorna aldrei byrja þau að vaxa um þrettándann.

Í summar hefur aðgengi að svæðinu verið bætt verulega með nýjum vegi og fjölgun bílastæða. 

Nánari upplýsingar og séróskir s.s. aðra daga veita:

Magnús         sími: 554-2442, gsm 864-2427 og maggunn@ismennt.is

Pétur Karl     sími: 554-3452 á kvöldin, gsm 869-3276 og pks@vao.is

Sigríður         sími: 554-5299 á kvöldin, gsm 899-8718 og sigjo@mmedia.is

Guðni             sími: 6955116                                                 melar@kjalarnes.is

Heimasíður:             http://www.kjalarnes.is/fossa.htm

                       http://www.skogkop.net/

Með jólatrjáakveðju,

Fossá, skógræktarfélag.

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.