Ilmolíu- messa verður í Brautarholtskirkju sunnudaginn 16. október kl.11.

Í messunni verður lögð áhersla á íhugun og kyrrð. Sungnir verða rólegir íhugunarsálmar frá Taize og predikunin fjallar um nálægð Guðs. Altarisganga fer fram og biblíuolía verður notuð til að kyrra líkama og sál í upphafi messunnar.

Organisti er Douglas Brotchie og Margrét Grétarsdóttir leiðir íhugunarsálma og messusvör. Verið hjartanlega velkomin til kirkju.

Opið hús verður í Fólkvangi sunnudaginn 8. maí kl. 11 - 13. Allir Kjalnesingar og hælisleitendur sem búsettir eru í Arnarholti eru velkomnir. Markmiðið er að Kjalnesingar og hælisleitendur ræði saman og kynnist betur.·

Boðið verður upp á kaffi og meðlæti.
Verið öll hjartanlega velkomin

Endurvinnslustöð Sorpu á Kjalarnesi hefur verið lokað

{tab title="Stjórn ÍK 2019" class="blue solid color_content" align="justify"}

Guðni Ársæll Indriðason - formaður- laufbrekka@kjalarnes.is - 615-6383
Lára Kristín Jóhannsdóttir - varaformaður - larakristinjohann@gmail.com - 865-4440
Olga Ellen Þorsteinsdóttir - ritari - olga@kjalarnes.is - 820-7736
Baldur Þór Bjarnason - gjaldkeri -
Björgvin Þór Þorsteinsson - meðstjórnandi- helgugrund@gmail.com - 618-1742

Þórður Bogason - varamaður
Berglind Hönnudóttir - varamaður
Björn Jónsson - varamaður - bjorn@brautarholt.is -
Reynir Kristinsson - varamaður - reynir@norehf.is -

{tab title="Ýmsar skýrslur" class="orange solid color_content"}

 Samningsdrög sameiningar (1997)

 Bæklingur sameiningar

 Bláa bókin

 Undir Esjunni (I)

 Undir Esjunni (II)

 Kjalarnes - stefnumót 2030

 Íbúaþing 2010

 Landbúnaðarstefna fyrir Kjalarnes

 Þróun þjónustu á Kjalarnesi .. 2020

{tab title="Svifbraut" class="green solid color_content"}

Fréttatilkynning Í.K.

Svifbraut á Esju samantekt

Skipulagsfulltrúi Rborgar umsögn 28.8.2013

Skipulagsstofnun beiðni um umsögn frá Rborg 10.07.2014

Rborg umsögn um matsskyldu 5.8.2014

Esjuferja (VSÓ) samantekt á breytingum 5.5.2015

Esjuferja (VSÓ) svar við umsagnir 5.6.2015

Rborg umsögn matsskyldu 18.6.2015

Esjuferja (VSÓ) fyrirspurn um matsskyldu júlí 2015

Ríkiseignir beiðni um umsögn 06.11.2015

Umsögn RS. Mógilsá 14.12.2015

Umsögn Skipulagsstofnunar 07.08.2014

{tab title="Þjónustuskoðun" class="grey solid color_content"}

Erindisbréf

{tab title="Samþykktir ÍK" class="red solid color_content"}

LÖG ÍBÚASAMTAKA KJALARNESS

SAMÞYKKT Á STOFNFUNDI Í FÓLKVANGI 20.02.2002

1. Grein

Samtökin heita Íbúasamtök Kjalarness, skammstafað Í.K. Félagssvæðið nær milli Kiðafellsár og Leirvogsár innan borgarmarka Reykjavíkur.

 Heimili og varnarþing samtakanna er í Reykjavík

2. Grein

 Tilgangur samtakanna er:

 Að vinna að framfara- og hagsmunamálum íbúa svæðisins.

 Að stuðla að samhug og samstarfi íbúanna.

 Nánari skilgreining um tilgang og markmið verði sett í Stefnumörkun er hlýtur staðfestingu aðalfundar.

3. Grein

 Allir íbúar Kjalarness, sem þar eiga lögheimili, teljast félagar. Kjörgengi hafa allir lögskráðir íbúar Kjalarness 18 ára og eldri.

4. Grein

 Stjórn Í.K. fer með æðsta vald í málefnum samtakanna milli aðalfunda. Stjórn Í.K. skal skipuð fimm stjórnarmönnum; formanni, varaformanni, gjaldkera, ritara og meðstjórnanda. Kjörtímabilið er til tveggja ára. Stjórnarmenn geta verið endurkjörnir 2svar í röð. Skal kjósa tvo stjórnarmenn á jöfnu ártali en þrjá hitt árið. Varamenn skulu vera þrír og kosnir árlega. Stjórn skiptir með sér verkum.

 Einnig skal á aðalfundi kjósa tvo skoðunarmenn reikninga samtakanna til eins árs.

5. Grein

 Formaður boðar stjórnarfundi og stýrir þeim. Skylt er að halda stjórnarfund ef þrír stjórnarmenn óska þess. Ef aðalmaður getur ekki mætt skal kalla varamann í hans stað. Stjórnarfundur er lögmætur ef þrír stjórnarmenn eru mættir, þar af formaður eða varaformaður. Stjórnin skal halda gerðabók um störf sín.

6. Grein

 Málefnum samtakanna er stjórnað af:

a) Aðalfundi
b) Stjórn félagsins.

7. Grein

Aðalfund skal halda ár hvert í september, og skal hann boðaður bréflega með fjórtán daga fyrirvara og telst fundarboðunin þá lögleg. Aðalfundur fer með æðsta vald í málefnum samtakanna. Reikningsár samtakanna er almanaksárið. Séu lagabreytingar fyrirhugaðar skal þess getið í fundarboði og jafnframt hvaða greinum laganna fyrirhugað er að breyta. Einfaldur meirihluti ræður niðurstöðu mála, nema lagabreytingar sem þurfa 2/3 hluta greiddra atkvæða.

Dagskrá aðalfundar:

1. Formaður setur fund og tilnefnir fundarstjóra og fundarritara.

2. Formaður flytur skýrslu stjórnar um störf á liðnu ári.

3. Gjaldkeri skýrir reikninga samtakanna og kynnir 8 mán. milliuppgjör.

4. Umræður um skýrslu stjórnar og reikninga samtakanna.

5. Reikningar bornir undir atkvæði.

6. Lagabreytingar.

7. Kosningar samkvæmt 4. grein þessara laga.

8. Önnur mál.

9. Fundarslit.

8. Grein

Stjórnin skal boða til almenns íbúafundar a.m.k. einu sinni á ári og ef ákveðnar óskir koma fram þar að lútandi. Fundurinn skal auglýstur og boðaður eins og um aðalfund væri að ræða.

9. Grein

Stjórn er heimilt að stofna nefndir á hverjum tíma eftir því sem þörf krefur. Nefndir samtakanna skulu hafa fullt samráð við stjórnina um mál er varða samtökin og halda gerðabók um störf sín.

10. Grein

Lögum þessum má aðeins breyta með 2/3 greiddra atkvæða á aðalfundi.

11. Grein

Ef leggja á samtökin niður getur það einungis gerst á aðalfundi með 2/3 hluta greiddra atkvæða. Eignir samtakanna skulu þá renna til íþrótta- og æskulýðsmála á félagssvæðinu.

Ákvæði til bráðabirgða.

Vegna framkvæmdar á grein 4 á stofnfundi skal kjósa 2 aðalmenn í stjórn sem sitja til aðalfundar 2002 og 3 sem sitja til aðalfundar 2003.

SAMÞYKKT Á STOFNFUNDI 20.02.2002

{tab title="Stefnumörkun ÍK" class="blue solid color_content"}

Stefnumörkun Íbúasamtaka Kjalarness

Umferðaröryggi:

• Koma upp að- og afreinum á Vesturlandsvegi.

• Byggja undirgöng, við Grundarhverfi fyrir minni bíla ásamt gangandi ríðandi og hjólandi umferð, sem tengi byggðina saman.

• Koma á framkvæmdaráætlun, að gerðar verði tengibrautir meðfram vesturlandsvegi að norðan og sunnan.

• Girða milli Vesturlandsvegar og Vallargrundar frá Brautarholtsvegi að Klébergi.

• Hækka og breikka umferðarstikur á Vesturlandsveginum

Samgöngur:

• Krefjast þess að Sundabraut verði byggð nú þegar.

• Fjölga strætisvagnaferðum sem henta íbúunum

• Gera Norður-Grafarveg (Innri Kjalarnesveg) að góðum heilsárs vegi.

Göngustígar, reiðstígar og hjólreiðastígar:

• Sett verði á fót nefnd hagsmunaaðila til að koma með tillögur um heildstætt skipulag fyrir göngustíga, reiðstíga og hjólreiðastíga og tengja stíganeti höfuðborgarsvæðisins. (Samstarf við nágranna sveitarfélög)

• Leggja stíga með upplýsingakortum, s.s.um fugla, gróðu, örnefni og annan fróðleik.

Umhverfi og umgengni:

• Sett verði í forgang bann við lausagöngu búfjár og Græni trefilinn.

• Banna lausagöngu búfjár.

• Framkvæmd við Græna trefilinn verði hrundið af stað eins fljótt og mögulegt er, og hafa milligöngu um öflun styrkja. Koma á samvinnu við skógræktarfélögin og aðra.

• Ljúka höfuðborgargirðinu.

• Fylgjast með skipulagsmálum og standa vörð um hagsmuni íbúa á svæðinu í þeim málum.

• Skipuleggja uppákomu í tengslum við hreinsunardag að vori.

• Hreinsa fjörur reglulega, hefja starfið sumarið 2002.

• Stuðla að því að gengið verði frá útivistarsvæðum fyrir börn og fullorðna í Grundarhverfi, við Arnarhamar, við skógræktarsvæðið í Kollafirði og víðar.

• Tryggja að fylgt sé ýtrustu kröfum um varnir gegn mengun frá allri atvinnustarfsemi og einnig urðunarsvæði í Álfsnesi.

• Krefjast þess að atvinnustarfsemi og verklegar framkvæmdir á Kjalarnesi uppfylli ströngustu kröfur um frágang og að ekki stafi af þeim hætta.

• Frágangur lóða og landareigna. (Bílhræ ofl.)

• Fylgt verði eftir hugmyndum Íbúaþings um vistvæna byggð.

Skólar:

• Byggja strax vistvænan leikskóla á Kjalarnesi, samkvæmt þeim hugmyndum sem fyrir liggja.

• Ljúka við byggingu Klébergsskóla.

• Tryggja þarf börnum 2-5 ára aðgengi að leikskóla án biðlista

• Tryggja þarf börnum á Kjalarnesi skólagöngu við bestu aðstæður

• Stuðla þarf að fjölbreyttu framboði af námskeiðum

Þjónusta:

• Að íbúar Kjarlarness njóti sömu þjónustu og íbúar annra hverfa borgarinnar m.a.

  • Internet þjónusta, síma, sjónvarp, orkumál

• Setja á fót félagsmiðstöð með aðstoð unglinga og áhugasamra íbúa.

• Standa fyrir árlegri sýningu á smá- og heimilisiðnaði, listsköpun og listiðnaði á svæðinu.

• Vekja athygli á að lóðastærð og staðsetning auðveldar íbúum á Kjalarnesi að stunda listir og smáiðnað.

• Standa að netsíðu og útgáfu fréttabréfs með öðrum félagasamtökum á svæðinu. (Kjalarnes.is)

• Standa að því að bjóða nýja íbúa velkomna í hverfið - kynningar

{/tabs} 

umfk

Sunnudaginn 8. maí kl. 14.00 verður helgistund á Esjubergi á Kjalarnesi. Tilefnið er að tekin verður fyrsta skóflustunga að útialtari þar á staðnum. Biskup Íslands, frú Agnes M. Sigurðardóttir, tekur skóflustungu ásamt sr. Þórhildi Ólafs, prófasti Kjalarnessprófastsdæmis, fulltrúa sögufélagsins Steina á Kjalarnesi, formanni sóknarnefndar Brautarholtssóknar og einu fermingarbarni vorsins 2016. Helgistundinni stýrir sr. Gunnþór Þ. Ingason, prestur helgihalds og þjóðmenningar. Í lok stundarinnar verður boðið upp á kaffi og kleinur.

Sögufélagið Steini á Kjalarnesi hefur haft forystu í þessu máli eftir að það var tekið upp með formlegum hætti á kirkjuþingi 2015 og vakin athygli á því. Á áttunda tug síðustu aldar var hvatt til þess á kirkjuþingi að rannsókn færi fram á kirkjugarðinum á Esjubergi til þess að grafast fyrir um dvöl papa á Íslandi fyrir norrænt landnám.

Útialtariðverður vænt grettistak og sótt í Esjubergsnámurnar og flutt áflöt eina austan við bæinn Esjuberg. Síðan verður hlaðið með grjóti og torfi í kring. Upp úr altarinu mun rísa veglegur keltneskur kross. Teikning af útialtarinu er hönnuð af Sigurborgu Haraldsdóttur, landslagsarkitekt, eftir hugmynd sr. Gunnþórs Þ. Ingasonar, prests helgihalds og þjóðmenningar, sem unnin var í nánu samráði við sögufélagið Steina.

Ekki er vitað hvar í landi Esjubergs kirkjan stóð og næsta líklegt að skriðuföll hafi spillt vegsummerkum eftir hana. Sagnir eru um skriðuföll í Esju sem breyttu ásýnd jarðarinnar og huldu flestar minjar á Esjubergi sem þar höfðu staðið um aldir og m.a. svonefnd kirkjurúst.

Fornleifarannsókn fór fram árið 1981 á þeim stað á Esjubergi þar sem menn töldu að kirkja hefði staðið og kirkjugarður. Ekkert fannst sem gat staðfest að kirkja hefði staðið á þeim stað.

Sagnir herma að kirkja hafi staðið á Esjubergi á Kjalarnesi fyrir kristnitöku, um árið 900. Í Landnámu (Sturlubók) segir að Örlygur Hrappson hafi fengið frá Patreki Suðureyjarbiskupi „kirkjuvið ok járnklukku ok plenárium ok mold vígða“ til að nota í kirkju sem reisa skyldi þar hann næmi land og eigna hinum helga Kolumba. Örlygur reisti kirkju á Esjubergi á Kjalarnesi.

Þá er og getið um kirkju á Esjubergi í Kjalnesingasögu frá 13. öld. „Þá stóð enn kirkja sú að Esjubergi er Örlygur hafði látið gera. Gaf þá engi maður gaum að henni.“

Í kirknaskrá Páls Jónssonar, biskups, frá 1200, er getið kirkju á Esjubergi: „Kirkja at Esjubergi.“

Þrátt fyrir að áþreifanleg ummerki um kirkju Esjubergi hafi ekki enn fundist á Esjubergi hafa Kjalnesingar hin síðari ár haft um hönd helgihald á staðnum í júnímánuði ár hvert.

Tilgangurinn með uppsetningu útialtaris og minnismerkis í landi Esjubergs er að vekja verðskuldaða athygli á merkum kristnum sögustað. Esjuberg er í næsta nágrenni við einn fjölmennasta útvistarstað Reykvíkinga, Esjuna. Útialtarið verður notað við kristið helgihald og ýmsar athafnir eins og brúðkaup og skírnir.

Sögufélagið Steini hefur og í bígerð að koma upp söguskilti við Esjuberg svipuð þeim sem það hefur sett upp á nokkrum stöðum á Kjalarnesi í samvinnu við Reykjarvíkurborg.

Allir eru velkomnir að taka þátt í athöfninni.

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.