Fyrsti ársfundur Græns Kjalarness verður í Fólkvangi nk. laugardag 21. sept. kl. 10:00 - 12:30. Á dagskrá verður skýrsla um þau verkefni sem unnið hefur verið að. Einnig verður farið íhugarflugs vinnu varðandi framtíðarsýn á svæðið umhverfis Grundarhverfi.

Í upphafi þessa árs hófst verkefnið Grænt Kjalarness formlega en það fjallar um uppbyggingu og þróun á Kjalarnesi. Þetta er víðtækt samstarfsverkefni félaga og stofnana á Kjalarnesi. Hér er vettvangur fyrir íbúa til að móta framtíðarsýn á svæðið.

Félög, stofnanir og fyrirtæki eru hvött til að senda fulltrúa á fundinn en einnig eru allir velkomnir þó þeir tilheyri ekki ákveðnum félögum, fyrirtækjum eða stofnunum.

Með virkri þátttöku höfum við áhrif á samfélagið okkar.

Allir eru velkomnir á þennan fyrsta ársfund Græns Kjalarness. 

Skipulagsmál skipta okkur miklu máli og því boða ÍK og hverfisráðið til sameiginlegs íbúafundar um fyrirliggjandi tillögu að aðalskipulagi Reykjavíkur í Fólkvangi nk. miðvikudag kl. 17:30. Við hvetjum alla íbúa til að mæta og taka þátt í mótun samfélagsins.

Gestur fundarins verður Haraldur Sigurðsson, skipulagsfræðingur og verkefnisstjóri aðal- og svæðisskipulags á Umhverfis- og skipulagssviði
Reykjavíkurborgar. Hann kynnir helstu áherslur sem varða Kjalarnes og svarar fyrirspurnum. 

Frestur til að skila athugasemdum við aðalskipulagstillöguna rennur út 20. september. 

Endurskoðun aðalskipulags Reykjavíkur hefur staðið yfirundanfarin ár og hefur falist í margvíslegri greiningarvinnu, mati valkosta og samráði við íbúa og hagsmunaaðila. Aðalskipulag er skipulagsáætlun sem nær til alls lands Reykjavíkur og í því birtist stefna borgarinnar um landnotkun, samgöngu- og þjónustukerfi, umhverfismál, þróunbyggðar og byggðamynstur til ársins 2030. Í aðalskipulaginueru jafnframt forsendur fyrir gerð hverfis- og deiliskipulags. Aðalskipulag tekur ekki gildi fyrr en eftirlokasamþykki borgarstjórnar og staðfestingu Skipulagsstofnunar eða umhverfisráðuneytis. 

Næsta tölublað Kjalnesings kemur út þriðjudaginn 17. september. Allar tilkynningar, auglýsingar og fréttaskot eru afar vel þegin. Ekkert gjald hefur verið tekið fyrir auglýsingar um starf félaga eða vegna sölu á notuðum munum.

Við vekjum athygli á að útgáfa Kjalnesings lifir á tekjum af auglýsingum og styrkjum og því er allur stuðningur við útgáfuna þeginn með þökkum. Reikningsnúmer okkar er 515 - 26 - 6220 og kt. 620202 5330.  

Vinsamlega sendið efni á netfangið kjalnesingur@kjalarnes.is fyrir sunnudagskvöldið 15. september.

Starfsmaður óskast í félagsmiðstöðina Flógyn.

Starfsmaður þarf að hafa náð tuttugu ára aldri og hafa gaman af að vinna með börnum og unglingum. Einnig vera skapandi, hugmyndaríkur og heiðarlegur.
Vinnutími: Þriðjudaga og fimmtudaga kl. 18:45 – 21:45 og annan hvern miðvikudag kl. 17:00 – 19:45.

Klébergsskóli á Kjalarnesi hefur yfirumsjón með félagsmiðstöðinni Flógyn.

Upplýsingar um starfið veita:
Þorkell Daníel Jónsson, thorkell.daniel.jonsson@reykjavik.is
eða Katrín Cýrusdóttir, katrin.cyrusdottir@reykjavik.is
í síma 5666083.

Umsóknarfrestur er til 18. september.

Leikskólakennari / leiðbeinandi óskast – Leikskólinn Bakkaberg / Berg

Leikskólakennari, leikskólaliði eða starfsmaður með aðra menntun sem nýtist í starfi og/eða reynslu af vinnu með ungum börnum óskast til starfa í leikskólann Bakkaberg – Berg v/Kléberg á Kjalarnesi, 116 Reykjavík. 

Leikskólinn Berg er tveggja deilda leikskóli þar sem lögð er áhersla á umhverfismennt og auðugt málumhverfi og eru leiðarljósin; leikur, samvinna og virðing.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð:
Að vinna að uppeldi og menntun leikskólabarna samkvæmt stefnu og skipulagi skólans undir stjórn deildarstjóra.

Hæfniskröfur:
Uppeldismenntun eða önnur menntun sem nýtist í starfi. Reynsla af uppeldis- og kennslustörfum með ungum börnum æskileg.

• Góð íslenskukunnátta
• Færni í samskiptum
• Frumkvæði í starfi
• Sjálfstæð og skipulögð vinnubrögð

Umsóknarferstur er til og með 28. ágúst nk.  Nánari upplýsingar veitir Ingibjörg E. Jónsdóttir í síma 6939877 eða í netfangið ingibjorg.elisabet.jonsdottir@reykjavik.is

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.