Sjöunda tölublað hverfisblaðsins Kjalnesingur·er komið út og að·vanda stútfullt af fjölbreyttu efni m.a. með fréttum af stjórnsýslukærunni sem Íbúasamtökin lögðu fram fyrir liðlega fjórum árum og er nú að koma aftan að okkur, fræðslufundinum um hættur samfara sjósundi ásamt þeim fjölmörgu viðburðum sem eru framundan.

Áætlað er að næsta blað·Kjalnesings komi út eftir fjórar til sex vikur. Fyrir þá sem vilja koma efni í·blaðið er gott að leggja sem fyrst drög að því. Þá hvetjum við iðnaðarmenn og aðra þá sem vilja láta vita af þjónustu sinni til að koma auglýsingum í Kjalnesing gegn vægu gjaldi því nú reynir á hvernig gengur að safna fyrir lögfræðikostnaði vegna Álfsnesmálsins.

Þriðja tölublað hverfisblaðsins Kjalnesings·er komið út og að·vanda stútfullt af fjölbreyttu efni m.a. með fréttum af rafrænu kosningunum um hverfispottinn, sagt frá·moltuverkefninu og margt fleira. Þá er mikið af·tilkynningum og auglýsingum um viðburði sem eru framundan.  

Áætlað er að næstablað·Kjalnesings komi út í lok apríl. Fyrir þá sem vilja koma efni í·blaðið er gott að fá sem fyrst drög að því.

Reykjavíkurborg stendur fyrir rafrænum kosningum um framkvæmdir í hverfum borgarinnar dagana 4. - 11. apríl. Í þessum kosningum er notast við veflykil·ríkisskattstjóra sem fólk er vant að nota þegar það telur fram til skatts. 
Mjög einfalt er að kjósa á vefnum.·Hægt er að kynna sér öll verkefni í hverfum borgarinnar á vef Reykjavíkurborgar,·www.kjosa.betrireykjavik.is. Nánari upplýsingar um verkefnin á Kjalarnesi eru hér.

Vonumst til að sjá sem·flesta,

kærar kveðjur, 
hverfisráð Kjalarness

Biskup Íslands frú Agnes M. Sigurðardóttir mun vísitera Brautarholtssöfnuð og Reynivallasókn á pálmasunnudag þann 24. mars nk. Vísitasían hefst með helgistund kl. 11:00 í Brautarholtskirkju. Í lok helgistundar bíður biskup upp á samtal við söfnuðinn þar sem kirkjugestum gefst kostur á að ræða hvaðeina sem tengist trú og trúarlífi okkar. Sérstaklega hvetjum við fermingarbörn og fjölskyldur þeirra til að koma til kirkju. Þetta er kærkomið tækifæri þar sem allir eru hjartanlega velkomnir.

Dagskrá vísitasíu biskups sr. Agnesar M. Sigurðardóttur í Reynivallaprestakalli á Pálmasunnudag.
Sunnudagurinn 24. mars kl 11:00,  Brautarholtskirkja

• Helgistund með upplestri bæn og tónlist.
• Sr. Gunnar Kristjánsson segir frá kirkjustarfinu
• Biskup Íslands ávarpar söfnuðinn og tekur þátt í samtali við söfnuðinn

Allir eru hjartanlega velkomnir til að taka þátt í þessari helgistund í Brautarholtskirkju.

Sunnudagurinn 24. mars kl 14:00, Reynivallakirkja
Biskup Íslands, frú Agnes M. Sigurðardóttir, annast guðsþjónustuna ásamt sóknarpresti.

Að messu lokinni bjóða sóknarnefndir prestakallsins til kirkjukaffis í Félagsgarði þar sem biskup flytur ávarp.

Tökum vel á móti biskupi okkar!
Sóknarprestur og sóknarnefndir

Blaðið Kjalnesingur 2 tbl. 2013 ·er komið út og að vanda stútfullt af fjölbreyttu efni m.a. með fréttum af Arnarholti, sagt frá verkefninu "Grænt Kjalarnes", og margt fleira. Þá er mikið af tilkynningum og auglýsingum um viðburði sem eru framundan. Vakin er athygli á vísitasíu biskups sem
verður á pálmasunnudag og hefst með helgistund í Brautarholtskirkju kl. 11 og síðan sama dag í Reynivallakirkju kl 14. Áætlað er að næsta blað Kjalnesings komi út í annarri viku apríl. Fyrir þá sem vilja koma efni í blaðið er gott að fá sem fyrst drög að því.

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.