Í morgun þann 18. apríl samþykkti ríkisstjórnin stuðning við almenningssamgöngur á höfuðborgarsvæðinu alls einn milljarður á

 Forvarnarsjóður Reykjavíkur auglýsir eftir umsóknum um styrki.  Til úthlutunar úr Forvarnarsjóðnum árið 2012 eru alls

• Forvarnir í þágu barna og unglinga.
• Eflingu félagsauðs í hverfum borgarinnar.
• Bætta lýðheilsu.
• Markvisst samstarf íbúa, félagasamtaka, og fyrirtækja í þágu forvarna og félagsauðs.
• Önnur verkefni sem mæta þeim markmiðum sem borgarstjórn setur hverju sinni.

Hér eru tenglar á auglýsinguna um styrkumsóknir, umsóknir úr sjóðnum og úthlutunarreglur sjóðsins.
Umsóknarfrestur er til og með 14. maí 2012

Er bætt þjónusta í almenningssamgöngum á Kjalarnesi handan við hornið? Er hugsanlegt að milljarða framlag ríkisins næstu tíu ár komi niður á afar brýnum framkvæmdum við Vesturlandsveg á Kjalarnesi?  Hér er fjallað um aukna þjónustu strætó og hér er umfjöllun um hugsanlega frestun framkvæmda, hvorutveggja af heimasíðu RUV, um þetta hagsmunamál okkar.

Beint í Borgó: Frá því í haust hefur leið 6 farið morgunferðina kl. 7 frá Esjuskála og ekur þá í gegnum Grafarvoginn en það er til mikilla þæginda fyrir þá Kjalnesinga sem eru í Borgarholtsskóla. Þetta er einungis tilraunaverkefni sem fáir nýta sér sem er miður því Borgarholtsskólinn er hverfisskólinn okkar. Því er mikilvægt að geta haldið þessari leið áfram næsta vetur einkum ef Kjalnesingum fjölgar í þeim skóla.

Æfingar og afþreying: Það eru fjölmargir sem sækja æfingar og afþreyingu út fyrir Kjalarnesið en geta illa nýtt strætó vegna strjálla ferða. Með ört hækkandi eldsneytisverði veigra foreldrar sér við að keyra börnin í það tómstundastarf sem ekki er boði á Kjalarnesi. Þetta er einnig afar bagalegt fyrir þá sem ekki ráða yfir bíl eða vilja draga úr notkun hans vegna umhverfissjónarmiða og einnig til að draga úr rekstrarkostnaði heimilisins.

Eru breytingar framundan? Íbúar hafa verið duglegir að vekja athygli á þessum annmörkum almenningssamgangna á Kjalarnesi. Erindi hafa verið send inn til samgönguráðs og beint til Strætó bs. Þá hefur hverfisráðið nokkrum sinnum tekið þetta upp. Í fundargerð þess frá 23. febrúar sl. kemur fram bókun um bættar strætó samgöngur þar sem óskað er eftir strætó á klukkutíma fresti, akstri um Esjuveg, beltum í vagnana og bætt aðgengi íbúa í dreifbýli að strætó.

 Milljarður til almenningssamgangna! Með ákvörðun ríkisstjórnarinnar að leggja milljarð á ári næstu tíu árin til almenningssamgangna á höfuðborgarsvæðinu ukust verulega vonir Kjalnesinga um bættar almenningssamgöngur. Kjalnesingur hefur nú nokkuð góðar heimildir um að unnið sé að úrbótum og að í haustáætlun um miðjan ágúst verði miðað við ferð á klukkustundar fresti frá kl. 7 á morgnana til kl. 22 á kvöldin. Vonandi heldur það!                                                                                                                                                                            ÁH

Nú liggja fyrir niðurstöður úr rafrænum kosningum sem fram fóru dagana 29. mars – 3. apríl. Á Kjalarnesi greiddu alls 45 einstaklingar atkvæði en það er einungis 5,3% íbúanna.

• Garðlönd
• Berjarunnar
• Sjósundsaðstaða
• Tré til skjóls
• Upplýsingaskilti
  Þær nýframkvæmdir sem hlutu minna fylgi eru:Áningastaður við Arnarhamar, Hellulögn við Fólkvang og Frisbyvöllur

Í flokknum verkefni til viðhalds voru eftirfarandi verkefni valin:

• Rennibraut í sundlaug
• Lagfæring á göngustíg meðfram Grundarhverfi
• Akstursleið að leikskóla
• Bæta lýsingu í hverfinu
  Þau viðhaldsverkefni sem hlutu minna fylgi eru:Gler í grindverk, fánastöng, hraðahindrun og vegkarkantar við Klébergsskóla.

Hér vekur athygli að lagfæring á göngustíg við sjó meðfram Grundarhverfi hlítur gott fylgi. Nú vantar skilgreiningu á því hvar þessi stígur eigi að liggja? Er meiningin að gera lagfæringar á vinnuveginum sem eftir mótmæli frá íbúum var samþykkt að yrði fjarlægður? Annað viðhaldsverkefni er ánægulegt fylgi við rennibraut í Klébergslaug. Með þessu eykst fjölbreytnin í sundlauginni og góðir sumardagar nýtast betur. Þetta stingur þó í stúf við breyttan opnunartíma sundlaugarinnar en sumaropnun er auglýst frá 17 – 21 á virkum dögum í stað þess að opna fyrr að deginum. Ef þrýstingur kemur frá íbúum verður opnunartíminn vonandi  endurskoðaður.

Þrátt fyrir langan aðdraganda og góða kynningu verður að segjast að þátttakan í þessari kosningu er langt undir væntingum. Er með þessu verið að ná til hins almenna íbúa? Á nýlegum skipulagsfundi sóttu fleiri þann fund en greiddu atkvæði í þessum rafrænu kosningum. Ef við leikum okkur með þessi 45 atkvæði sem greidd voru á Kjalarnesi má ætla að allt að þriðjungur atkvæðanna á Kjalarnesi komi frá þeim sem voru að fjalla um þessar tillögur. Með þessu er alls ekki  verið að kasta rýrð á þeirra atkvæði heldur draga fram hve lítið þessi atkvæðagreiðsla segi okkur um almennan vilja íbúa nema þá það að flestum standi nákvæmlega á sama hvernig valið sé á milli þeirra þátta sem lagðir voru fram í kosningunni. ÁH

Reykjavíkurborg stendur fyrir rafrænum
kosningum um framkvæmdir í hverfum borgarinnar dagana 29. mars – 3. apríl. Þetta er í fyrsta sinn sem rafræn auðkenni eru notuð við kosningar á Íslandi en notast er við veflykil ríkisskattstjóra sem fólk er vant að nota þegar það telur fram til skatts. Mjög einfalt er að kjósa á vefnum. Hægt er að kynna sér öll verkefni í hverfum á vef Reykjavíkurborgar www.reykjavik.is/kjostu. Nánari upplýsingar eru hér.

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.