Á sunnudaginn þann 26. september heldur Karlakór Kjalnesinga víxluhátíð kl 16:00 og fagnar komu flygils í Fólkvang á Kjalarnesi. Allir eru velkomnir og aðgangur ókeypis.

flygli fagnad i folkvangi.pdf

Á borgarstjórnarfundi í gær var samþykkt tillaga Sjálfstæðisflokksins um að hefja undirbúning beinnar kosningar íbúa í hverfisráð Reykjavíkurborgar.

Þetta kemur fram í fréttatilkynningu frá Sjálfstæðisflokknum.

Sjá frétt þessa efnis á {rokbox title=|mbl.is.| size=|1020 700| album=| ALBUMTITLE|}http://mbl.is/mm/frettir/kosningar/2010/09/22/kosid_beint_i_hverfisrad/{/rokbox}

Vinnubrögðin við sameiningu leikskólans Bergs við leikskólann Bakka í Staðarhverfi eru forkastanleg valdníðsla.  Burt séð frá

þeirri skoðun minni að leikskólinn á Bergi geti haft hag að þessari sameiningu er afar furðulegt að upplifa slík gerræðisleg vinnubrögð á sama tíma og talað er um að færa valdið til fólksins og auka íbúalýðræði. Það gildir kannski einungis „niður“ í Reykjavík og ekki vert að leita álits Kjalnesinga enda er þeim ekki einu sinni treystandi til að sitja í sínu hverfisráði.

Þann 28. júní var hengd upp auglýsing um sameiningu leikskólanna Bergs og Bakka. Boðað var til fundar um þessa sameiningu án þess að starfsmenn leikskólans Bergs hefðu nokkra vitneskju um þessa fyrirhuguðu sameiningu.

Til að rifja upp forsögu þessa máls og hvernig hún horfir við foreldrum á Kjalarnesi er að í  nóvember sl. berst það út að þáverandi leikskólastjóri sé að hætta. Óvissa starfsfólks og foreldra er mikil og þrátt fyrir að nýr leikskólastjóri hafi verið ráðinn þann 6. desember fær starfsfólk ekki upplýsingar um það fyrr en í lok desember.  Nýr leikskólastjóri hafi þá þegar verið ráðinn tímabundið meðan fundinn sé flötur á sameiningu við Klébergsskóla. Mikið var talað um nauðsyn þess að hafa samráð við íbúa á Kjalarnesi um þessi mál þannig að ekki skapist meiri tortryggni og óvissa sem sjálfkrafa valdi andstöðu. Með það að leiðarljósi gerði menntaráð eftirfarandi bókun þann 13. janúar sl. þegar stofnaður var starfshópur um þetta verkefni. 

2. Lagt fram afrit af bréfi, dags. 16. des. sl., til leikskólaráðs varðandi skólamál á Kjalarnesi.
Svohljóðandi tillaga samþykkt:
Menntaráð felur fræðslustjóra að stofna starfshóp í samráði við sviðstjóra Leikskólasviðs á grundvelli samþykktar í leikskólaráði 16. desember 2009 um hugsanlegan samrekstur leik- og grunnskóla á Kjalarnesi. Starfshópinn skipi starfsmenn frá Leikskólasviði og Menntasviði, ásamt stjórnendum og fulltrúum foreldra beggja skólastiga. Meginverkefni hópsins er að móta tillögur um samrekstur, samvinnu og samstarf leikskóla og grunnskóla á Kjalarnesi. Starfsfólk, foreldrar, börn og ungmenni á báðum skólastigum taki virkan þátt í þessu verkefni.

Nú starfaði þessi nefnd í hálft ár og komst að þeirri niðurstöðu að sameining við Klébergsskóla sé ekki tímabær en aukið samstarf sé fýsilegt. Lokaskýrslu átti að skila á fundi þann 16. júní sl. en var síðan frestað og hefur sá fundur enn ekki verið tímasettur.  Nú er tilkynnt um sameiningu við annan leikskóla. Það er gert án nokkurs samráðs og vekur eðlilega upp fjölmargar spurningar um hvers vegna þessi málamyndanefnd var stofnuð. Er það svo að þar sem niðurstaða hópsins er yfirvöldum ekki að skapi skal samt fara sínu fram og gegn áliti hennar, hunsa vilja foreldra og að allt það samráð sem áður var fagurlega talað um og hafið til skýjanna sé einskis virði. Með réttri kynningu og trúlega hafa þessa sameiningu inni seim einn kost hefði mátt komast hjá mikilli óvissu og írafári hjá starfsfólki og foreldrum.

Í gegnum árin höfum við þónokkur dæmi um hópa sem skipaðir eru til að fjalla um breytingar og framtíðaskipan mála á Kjalarnesi án þess að nokkur fulltrúi íbúa komi að þeirri vinnu. Er ekki mál til komið að breyta þessum vinnubrögðum? Sýnið virðingu og nýtið þekkinguna sem til er á staðnum í stað þess að beita stöðluðum og niðurnjörvuðum rammalausnum. Kjalnesingar fara fram á að augljós sérstaða Kjalarness sé viðurkennd og þeir hafðir með í ráðum um fyrirhugaðar breytingar sem þá varða.

Þessi grein birtist í 7. tölublaði Kjalnesings.

Ásgeir Harðarson

Á dögunum birtist heljarinnar traktor á reiðveginum í Melahverfi með tætara í eftirdragi.

Það var engu öðru líkara en verið væri að tæta upp fyrir kartöflugarði en svo var ekki. Á ferðinni voru aðilar á vegum Reiðveganefndar Kjalarnesþings hins forna.  Tíðindarmaður kjalarnes.is hafði tal af Jóhannesi Oddssyni nefndarmanni í fyrrnefndri reiðveganefnd og sagði hann að fengist hefði fjárveiting til reiðvegagerðar sem hafi m.a. nýst í að tæta/mylja reiðveginn norðan Tíðaskarðs sem lengi hefur þótt afar grýttur og leiðinlegur yfirferðar fyrir hrossin.

Traktorinn er á fimmta hundrað hestöfl sem knýr tætarann og mylur hann grjótið svo fínt að eftir stendur sandborin gata.

Á döfinni

Þessar vikurnar er vetrarstarf hinna ýmsu félaga á Kjalarnesi að fara af stað og því hefur liðurinn á döfinni verið uppfærður og er þar að finna gagnlegar og fjölbreyttar upplýsingar. Kjalanesingar eru hvattir til að taka þátt í þessari starfsemi því margar hendur vinna létt verk.

Hættuleg gatnamót við Klébergsskóla.

Fjögurra bíla árekstur varð um miðjan dag á mánudag á Vesturlandsvegi þegar bíll úr suðurátt og hugðist taka vinstri beygju inn í Grundarhverfi við Klébergsskóla. Við það uggði næsti bílstjóri ekki að sér og keyrði allharkalega aftan á þann sem hægt hafði á sér og kastaði honum yfir á öfugan vegarhelming.

Þar sem umferð er nokkuð mikil á þessum stað voru nokkrir bílar að koma úr norður átt og urðu að snarhemla og sveigja fram hjá þessum bíl. Það olli aftur aftanákeyrslu á þeim vegarhelmingi.  Sem betur fer sluppu ökumenn og farþegar með skrekkinn en ljóst er að afskaplega mátti litlu muna að ekki yrði þarna alvarlegt slys.

Þetta atvik minnir okkur óþyrmilega á hve vinstri beygjur á Vesturlandsvegi eru varasamar og mikilvægt að forðast að taka þær þegar umferð er á eftir manni. Sérstaklega er sorglegt að vita til þess hve stór hluti þeirra sem erindi eiga í Grundarhverfið taka þessa beygju við Klébergsskóla í stað þess að nota gatnamótin við Esjuskála. Sérstaklega hafa Kjalnesingar ítrekað verið minntir á hve hættuleg þessi gatnamót við Klébergsskóla eru. Á síðustu tveimur áratugum hefur orðið eitt banaslys á þessum stað, fólk hefur hlotið örkuml við að taka þessa vinstri beygju og þar fyrir utan hefur gríðarlegt eignatjón orðið á þessum stað. Sýnum gott fordæmi, forðumst vinstri beygju á þessum gatnamótum og notum gatnamótin við Esjuskála þegar við förum niður í Grundarhverfi.

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.