Þessar fimm starfsstöðvar eru:

 1. Skipulagsmál:
Þróun íbúðabyggðarinnar og framtíðarsýn kringum Grundarhverfi, bátavör, göngu- og hjólaleiðir, reiðleiðir, almenningssamgöngur, Græni trefillinn og skipulag útivistar á Kjalarnesi. Menningartengd ferðaþjónusta, merking gönguleiða og merkra sögustaða á Kjalarnesi.

2. Sameining þjónustustofnana og þjónusta borgarinnar:
Leikskólinn Berg, Klébergsskóli, íþróttamiðstöðin, frístundaheimilið og Fólkvangur. Þjónustuhlutverk Áhaldahússins, Miðgarðs og Klébergskjarnans við íbúana?

3. Grænt Kjalarnes:
Vistvæn hugsun í skólunum, samgöngum, garðrækt, útikennslustofa með útiíþróttaaðstöðu og heilsutengt Kjalarnes í samstarfi við UMFK ásamt tengingu inn í skólana.

4. Börn og ungmenni:
Frístundaúrræði fyrir börn og ungmenni á Kjalarnesi. Hvað vilja þau sjálf hafa á staðnum? Hvaða frístundastarf er hægt að bjóða uppá á Kjalarnesi? Frístundastrætó?

5. Atvinnumál:
Með hvaða hætti er hægt að styðja við atvinnuuppbyggingu á svæðinu og efla þau fyrirtæki sem fyrir eru? Hvað er hægt að gera nýtt? Atvinnumál ungmenna á svæðinu. Munu þau þurfa að sækja atvinnu út fyrir hverfið eða verður vinnuskóli á svæðinu í sumar?

Eftir framsögu frambjóðenda flytjum við okkur yfir á starfsstöðvar þar sem hægt er að skrifa niður hugmyndir, skoðanir og áherslur um hvaðeina sem viðkemur umhverfi eða aðbúnaði okkar. Miðað er við að fundargestir fari á milli þessara starfsstöðva eftir áhugamálum. Þeir frambjóðendur og embættismenn sem mæta á staðinn taka einnig þátt í þessari vinnu. Í lok fundar verður farið yfir helstu niðurstöður og áherslur.

Á síðasta áratug hefur nokkrum sinnum verið farið í markvissa vinnu til að fá fram megin áherslur íbúa Kjalarness. Þetta er orðinn drjúgur listi af atriðum sem okkur finnst að betur mætti fara eins og sjá má á eftirfarandi lista sem í lauslegri en engan vegin tæmandi samantekt fylgir hér á eftir:

Á íbúaþinginu sem haldið verður í Fólkvangi á morgun, laugardaginn 15. maí verða starfræktar fimm starfsstöðvar. Markmiðið er að laða fram mismunandi skoðanir og áherslur fundargesta í þeirri von að geta unnið þeim fylgis hjá ráðamönnum borgarinnar.  Þessar fimm starfsstöðvar eru:

 1. Skipulagsmál:
Þróun íbúðabyggðarinnar og framtíðarsýn kringum Grundarhverfi, bátavör, göngu- og hjólaleiðir, reiðleiðir, almenningssamgöngur, Græni trefillinn og skipulag útivistar á Kjalarnesi. Menningartengd ferðaþjónusta, merking gönguleiða og merkra sögustaða á Kjalarnesi.

2. Sameining þjónustustofnana og þjónusta borgarinnar:
Leikskólinn Berg, Klébergsskóli, íþróttamiðstöðin, frístundaheimilið og Fólkvangur. Þjónustuhlutverk Áhaldahússins, Miðgarðs og Klébergskjarnans við íbúana?

3. Grænt Kjalarnes:
Vistvæn hugsun í skólunum, samgöngum, garðrækt, útikennslustofa með útiíþróttaaðstöðu og heilsutengt Kjalarnes í samstarfi við UMFK ásamt tengingu inn í skólana.

4. Börn og ungmenni:
Frístundaúrræði fyrir börn og ungmenni á Kjalarnesi. Hvað vilja þau sjálf hafa á staðnum? Hvaða frístundastarf er hægt að bjóða uppá á Kjalarnesi? Frístundastrætó?

5. Atvinnumál:
Með hvaða hætti er hægt að styðja við atvinnuuppbyggingu á svæðinu og efla þau fyrirtæki sem fyrir eru? Hvað er hægt að gera nýtt? Atvinnumál ungmenna á svæðinu. Munu þau þurfa að sækja atvinnu út fyrir hverfið eða verður vinnuskóli á svæðinu í sumar?

Eftir framsögu frambjóðenda flytjum við okkur yfir á starfsstöðvar þar sem hægt er að skrifa niður hugmyndir, skoðanir og áherslur um hvaðeina sem viðkemur umhverfi eða aðbúnaði okkar. Miðað er við að fundargestir fari á milli þessara starfsstöðva eftir áhugamálum. Þeir frambjóðendur og embættismenn sem mæta á staðinn taka einnig þátt í þessari vinnu. Í lok fundar verður farið yfir helstu niðurstöður og áherslur.

Á síðasta áratug hefur nokkrum sinnum verið farið í markvissa vinnu til að fá fram megin áherslur íbúa Kjalarness. Þetta er orðinn drjúgur listi af atriðum sem okkur finnst að betur mætti fara eins og sjá má á eftirfarandi lista sem í lauslegri en engan vegin tæmandi samantekt fylgir hér á eftir:

·         Almenningssamgöngur
·         Bæta þjónustu strætisvagna
·         Fjölga stoppistöðvum með útskotum á Vesturlandsvegi
·         Samgöngur og samgöngustefna
·         Fjölbreytt leiktæki fyrir alla
·         Fjölskyldumiðuð útivistartækifæri
·         Bæta stígakerfið
·         Fjölga og bæta hjóla‐ og göngustígum sem og samgönguleiðum og til útivistar
·         Gera gönguleiðir meðfram strandlengju niður í Mosfellsbæ
·         Huga þarf að hjólaleiðum í allar áttir
·         Setja fleiri hjólreiða‐, göngu og reiðstíga
·         Setja upp sjóvarnargarða þar sem landbrot er og nýta þá líka sem gönguleið
·         Tenging við göngustígakerfi borgarinnar
·         Hreyfistrætó
·         Sívirk hreyfing/ hvatning innan hverfa á þörf fyrir útivist
·         Skipuleggja á hesthúsasvæði
·         Það þarf að leggja reiðstíga
·         Setja upp golfvöll sem styrkir ferðaþjónustu á staðnum
·         Sérstaða er í nálægð við sjóinn og útsýni
·         Efla skógrækt til skjóls ofan Vesturlandsvegar
·         Fegra svæðið við Klébergslæk, með tré/ runnum/ tjörn sem er tengd við íþróttaiðkun
·         Græn skógarbyggð/ Skógrækt í græna treflinum meðfram Esjunni
·         Græni trefillinn nái að Blikadalsá og göngustígar fylgi honum
·         Grænt útivistarsvæði við Klébergslæk og við leikvöllinn
·         Möguleiki er á stórum plássfrekum útivistarsvæðum
·         Nýta Grafardal, með Leirvogsá til útvistar og skógræktar
·         Opna gömlu þjóðleiðina við Esjurætur fyrir gangandi og hestamenn
·         Setja íþróttasvæðin í forgang
·         Skipuleggja Blikadal fyrir skógrækt og útivist
·         Koma upp hafnaraðstöðu fyrir smábáta við Grundarhverfi
·         Setja upp aðstöðu fyrir kajaka og smábáta í fjörunni
·         Bæta inn‐/ útkeyrslur á Vesturlandsvegi
·         Draga þarf úr hættu af umferð á Kléberginu
·         Hægja þarf á umferð í Grundarhverfi
·         Fjölga þarf veðurupplýsingaskiltum á Vesturlandsvegi
·         Forðast gegnumstreymisumferð í Grundarhverfi
·         Öryggi – gangandi og akandi
·         Það þarf að laga hættuleg gatnamót í hverfinu
·         Tryggja gott umferðaröryggi
·         Tryggja öryggi gangandi á Brautarholtsvegi
·         Umferðaröryggi eru hluti af lífsgæðum
·         Draga úr mengun
·         Hvetja til notkunar á vistvænum orkugjöfum
·         Nota innlenda orkugjafa
·         Aukið heilbrigði íbúa
·         Búa til farveg fyrir umræður
·         Frístundavagn
·         Halda hverfishátíðir
·         Hvetja til reglulegra markaða
·         Hvetja til sjálfsþurftarbúskapar - matjurtagarðar
·         Kjalarnesið verði „grænt svæði“
·         Koma upp aðstöðu til að koma saman innan hverfis á sumrin
·         Nágrannavarsla
·         Öryggi barna!
·         Samnýting húsnæðis til menningar og félagsstarfsemi
·         Samvinna og samráð við íbúa
·         Sjá til þess að skólalóðin og ýmis auð svæði í byggðinni verði betur hirt
·         Skrúðgarður í miðju (leikvallarsvæðið)
·         Hvað er stolt hverfisins
·         Koma upp hjarta í hverfinu
·         Þátttaka íbúa í samfélaginu
·         Útigrill og bekkir við leikvöllinn í Grundarhverfi
·         Vinna að hverfisverkefnum
·         Virkja félagasamtök
·         Dreifð byggð með vistvænum búsetumöguleikum
·         Efla íþrótta og félagslíf grunnskólanema og auka fjölbreytni
·         Fjölga leiktækjum í kring um skólann
·         Opnunartími sundlaugarinnar sé sá sami og í öðrum hverfum borgarinnar
·         Setja upp útikennslustofu
·         Tryggja fjölbreytni í afþreyingu fyrir börnin
·         Tryggja samfellu skóla og íþrótta
·         Tryggja þarf samfellu í skóladegi og skólaakstri
·         Ferðatengd atvinnustarfsemi á Arnarholti
·         Hverfakort
·         Að kjósa formlega í hverfisráð sem fái aukna ábyrgð
·         Að tryggja að rödd íbúanna í hverfinu heyrist
·         Er hverfisvitund er mikilvæg?
·         Hverfisráð í samvinnu við íbúa
·         Koma á hverfissáttmála
·         Skilgreina þá þjónustu sem þarf að vera í hverfinu
·         Það þarf að skilgreina „radíusa“ fyrir alla þjónustu,
·         það þarf að tryggja meiri samvinnu stofnana
·         Það þarf að virkja íbúana

Laugardaginn 15. maí næstkomandi verður haldið íbúaþing í Fólkvangi á Kjalarnesi kl. 10:00- 12:30 þar sem fjallað verður um framtíð hverfisins.

Á þingið mæta frambjóðendur og fulltrúar frá öllum sviðum Reykjavíkurborgar.

Kjalnesingar eru hvattir til að mæta og leggja sitt að mörkum við að móta framtíð Kjalarness. Nánar um dagskrá Íbúaþingsins má lesa HÉR.

Hverfisráð Kjalarness og Íbúasamtök Kjalarness.

Um 90 kílómetrar af hjólastígum verða lagðir í Reykjavík næstu tíu árin til viðbótar við þá tíu kílómetra sem fyrir eru, samkvæmt nýrri hjólreiðaáætlun sem samþykkt hefur verið í borgarstjórn.

Skyldum við á Kjalarnesi vera eins mikið með í því einsog áður??

Sjá frétt um þeta á mbl.is.

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.