Ágæti borgarfulltrúi. 
Allar götur síðan ég flutti á Kjalarnes, þ.e. sl. 32 ár hafa umferðarmál oft borið á góma í spjalli manna á milli. Margir fundir verið haldnir um málið. Fundað hefur verið með öllum helstu ráðamönnum þessa málefnis, sitthvað hefur verið gert en betur má ef duga skal.

Getum við bara setið og beðið eftir að slysið verði?Það er ekki spurning um hvort það verður heldur hvenær. 

Þór Jens Gunnarsson
Esjugrund 23

Það voru fast að 70 manns sem í gær komu  saman í Fólkvangi til að ræða umferðaröryggismál á Vesturlandsvegi. Hvað er það sem fær svo marga til að sitja inni sitja á fögru sumarkvöldi? 
Þeir sem sóttu fundinn áttu það sameiginlegt að hafa verulegar áhyggjur af aðgerðaleysi stjórnvalda varðandi öryggismál á Vesturlandsvegi. Vilji fundargesta var eindreginn og til að vekja athygli á málstað okkar voru uppi margar hugmyndir. 

Eftir inngangsorð og kynningu á hugsanlegum lausnum sköpuðust fjörugar umræður sem stærstur hluti fundargesta tók þátt í. Fram kom uppeldisleg ábending um skort á aga barnanna þannig að ekki dugi lengur að banna leik við þjóðveginn. Á móti var bent á að skólalóðin liggur nánast upp að þjóðveginum sem er orðin að hraðbraut þar sem fáir virði hraðamörkin sem eru 70 km á klst.  Hver er réttur barnanna í Klébergsskóla sem eru að leik nánast í vegkantinum og eiga samkv. barnasáttmála SÞ að búa við öruggt umhverfi. Hver er réttur íbúanna sem búa ofan vegar til að nýta þjónustuna sem er fyrir neðan veg?

Fyrir utan öll þau banaslys sem orðið hafa á þessu svæðið hefur ótölulegur fjöldi fólks slasast. Skemmst er að minnast slyss sem varð hér fyrir nokkrum árum þar sem fast að 50 manns voru fluttir á sjúkranús. Þá kom fram að oft hefur legið við slysi á þessum vegi og baráttan fyrir úrbótum má nú telja í áratugum. Á þeim tíma hefur íbúafjöldinn tvöfaldast með tilheyrandi fjölgun barna og þar með meiri umferð gangandi yfir Vesturlandsveginn. Þá hefur umferð bíla margfaldast á stuttum tíma. Oft má telja vel á annan tug bíla á mínútu þannig að erfitt getur reynst að þræða á milli bílanna til að komast yfir veginn. Dettur einhverjum rúsnesk rúlletta í hug?

Þær úrbætur sem fundurinn var sammála um var að linna ekki látum fyrr en undirgöng undir Vesturlandsveg eru í höfn ásamt girðingu frá Klébergsskóla að vegamótum við Brautarholtsveg. Einnig ályktaði fundurinn um að farið yrði í aðgerðir til að fá hámarkshraða virtan. Þetta eru afskaplega einfaldar og ódýrar aðgerðir sem strax ætti að vera hægt að fara í.  

   Tryggja að hámarkshraði, sem er 70 km/klst fyrir ofan Grundarhverfi, verði virtur.

Í nótt voru unnin skemmdarverk í Kjalarneslaug, þegar allar eftirlitsmyndavélar við laugina voru brotnar úr festingum sínum eða skekktar. Að sögn starfsmannsins á vakt, virtist ekkert annað vera skemmt, en töluvert átak og fyrirhöfn þurfi til að fremja þennan verknað. Þetta er alvarlegt mál þar sem um er að ræða öryggi sundlaugargesta og aðeins einn starfsmaður á vakt og myndavélarnar mikilvæg tæki við gæslustörfin. Brýnt er því að koma búnaðinum í samt lag.

Dagskrá:

1.   Verkefnið kynnt
2.   Hugmynir að úrbótum
3.   Hvað getum við gert strax
4.   Umræður
5.   Ályktun
6.   Samantekt og næstu skref

Að fundinum standa nokkrir foreldrar sem er meira en nóg boðið varðandi sinnuleysi yfirvalda varðandi umferðaröryggismál á Vesturlandsvegi við Grundarhverfi.

Nánari upplýsingar fást hjá Ásgeir í síma 894 3065

Það var fyrir einskæra mildi að ekki varð alvarlegt umferðarslys við Grundarhverfi síðdegis þann 3ja júní sl. Tveir ungir piltar 5 - 6 ára fóru í tvígang yfir Vesturlandsveginn og aðeins munaði hársbreidd að þeir yrðu undir þungaflutningabíl.

Í meðfylgjandi skjali atburðarásinni lýst þegar ungu piltarnir fóru yfir Vesturlandsveginn.  

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.