Ábendingavefur um þjónustu og viðhald

Þessa dagana er verið að fara yfir og skipta um perur í ljósastaurum á Kjalarnesi. Vefurinn Borgarlandið er ætlaður til að taka við ábendingum frá íbúum um ýmsa þætti sem betur mættu fara eins og bilaða ljósastaura, holur í götum, þörf á hreinsun og þessháttar. Svo virðist sem Kjalnesingar hafi
ekki tamið sér þessa leið í samskiptum. Sem dæmi er óskað eftir ábendingum um holur í malbiki, laus brunnlok, sködduð umferðarmerki, lausar hellur, yfirfullir ruslastampar, skemmdir bekkir, óþrifnaður, óvirk götulýsing eða annað sem tengist þjónustu í borgarlandinu.
Ábendingar þínar um það sem þarf að laga í borgarlandinu skipta miklu máli og haldið er skilmerkilega utan um þær í ábendingakerfinu. Starfsmenn Áhaldahússins væru afar þakklátir að fá ábendingar í gegnum þennan vef segir Jón Bergvinsson í Áhaldahúsinu á Kjalarnesi.

Heilsustefna Grafarvogs·og Kjalarness

Vinningsnúmer í·janúar 2013:

264

Vinningur í janúar er gjafakort í Bónus 

Vinning ber að·nálgast í Miðgarði, Gylfaflöt 5.

Framvísa þarf·bæklingnum um·Heilsustefnuna með viðkomandi númeri til að fá vinning afhentan.

Ef ekki er búið að·sækja vinning innan 3ja mánaða frá útdrætti fer hann·aftur í pottinn.

Janúar vinning þarf·því að sækja fyrir lok apríl 2013.

ÍBÚAFUNDIR MEÐ BORGARSTJÓRA Í ÖLLUM HVERFUM

Jón Gnarr borgarstjóri stendur fyrir íbúafundum í öllum hverfum Reykjavíkur dagana 14. – 29. Janúar nk. Fundirnir eru hluti af verkefninu Betri Hverfi en frá og með mánudeginum 14. janúar geta Reykvíkingar sett inn hugmyndir að alls kyns smærri verkefnum, nýframkvæmdum og viðhaldsverkefnum, sem ætlað er að bæta íbúahverfi borgarinnar. Tekið er á móti hugmyndum á samráðsvefnum Betri Reykjavík á undirvefnum Betri Hverfi.

Í fyrra bárust hátt í 400 hugmyndir frá borgarbúum um verkefni í hverfunum. Reykjavíkurborg hyggst enn á ný verja 300 milljónum til svokallaðra hverfapotta og geta íbúar hverfanna komið með hugmyndir að verkefnum og síðan kosið um þær í rafrænum íbúakosningum sem haldnar verða dagana 14. – 19. mars nk. með sama hætti og í fyrra.

Á fundunum mun borgarstjóri fara yfir verkefni síðasta árs sem nú hafa verið framkvæmd í hverfunum auk þess sem óskað verður eftir hugmyndum að nýjum verkefnum til að bæta íbúahverfin í Reykjavík.  Einnig verður óskað eftir því á fundunum að íbúar gefi kost á sér til að fylgja eftir hugmyndunum frá byrjun til framkvæmdar. Í för með borgarstjóra verða æðstu embættismenn Reykjavíkurborgar. Fyrirkomulagið verður þannig að borgarstjóri mun taka til máls, síðan verður fyrirspurnatími en svo gefst fólki kostur á því að setjast niður, ræða málin og skrá niður hugmyndir sem verða settar fram í nafni íbúafundanna í hverju hverfi.

„Ég hvet fólk til þess að koma vel nestað af góðum og uppbyggilegum hugmyndum á fundina svo að við getum gert Reykjavík enn betri en hún er,“ segir Jón Gnarr borgarstjóri. „Í fyrra komu borgarbúar með fjölmargar frábærar hugmyndir og nú hafa vel yfir hundrað af þeim verið framkvæmdar. Þær hafa þegar sett góðan svip á borgina.“

Fundir borgarstjóra hefjast í Laugardal, mánudaginn 14. Janúar kl. 17.00 í Laugalækjarskóla.

ÍBÚAFUNDIR MEÐ BORGARSTJÓRA Í ÖLLUM HVERFUM
Laugardalur Mánudagur, 14. janúar, kl. 17.00, Laugalækjarskóli
Árbær Miðvikudagur 16. janúar kl. 17.00, Árbæjarskóli
Vesturbær Fimmtudagur, 17. Janúar, kl. 17.00, Hagaskóli.
Háaleiti - Bústaðir Mánudagur, 21. janúar kl. 17.00, Réttarholtsskóli
Breiðholt Þriðjudagur 22. janúar kl. 17.00 Gerðuberg
Miðborg  Miðvikudagur 23. janúar kl. 17.00 Ráðhúsi Reykjavíkur
Grafarholt – Úlfarsárdalur  Fimmtudagur 24. janúar kl. 17.00, Sæmundarskóli.
Kjalarnes Fimmtudagur 24. janúar kl. 20.00, Klébergsskóli
Hlíðar Mánudagur 28. janúar kl. 17.00 Kjarvalsstaðir
Grafarvogur Þriðjudagur 29. janúar kl. 17.00 Gufunesbær

Nánari upplýsingar veitir Sigurður Björn Blöndal, aðstoðarmaður borgarstjóra, í síma 661 9899

Atvinnulóðir við Norðurgrund

Á fundinum er ætlunin að kynna frum hugmyndir að þessu verkefni og því eru allir sem áhuga hafa á þessu hvattir til að mæta í Fólkvang fimmtudagskvöldið 10. janúar 2013 kl 20:30.

Stjórn ÞK

ÁRÍÐANDI TILKYNNING UM RAFGIRÐINGU Á HOFI Á KJALARNESI.

Þar sem hestarnir á Hofi hafa á síðustu misserum verið að
sleppa út úr girðingunni og valdið íbúum hverfisins óþægindum, hefur verið brugðið á það ráð að girða allt stykkið af með RAFGIRÐINGU til að koma í veg fyrir frekari óþægindi. 

Því eru foreldrar barna sérstaklega beðnir um að brýna fyrir börnum sínum að koma ekki nálagt girðingunni þar sem að það sé RAFMAGN á henni.

Með von um ykkar stuðning.

Landeigandi.

Aðfangadagur jóla

Aftansöngur í Brautarholstkirkju kl. 17:00
Félagar úr Karlakór Kjalnesinga syngja, Brynhildur Ásgeirsdóttir leikur á þverflautu. Organisti er Páll Helgason. Sr. Gunnar Kristjánsson predikar og þjónar fyrir altari.

Saurbæjarkirkja á Kjalarnesi.
Helgistund í Saurbæjarkirkju kl. 22 á aðfangadag. ·Organisti er Páll Helgason. Prestur er sr. Gunnar Kristjánsson.

Jóladagur

Hátíðarguðsþjónusta í Brautarholtskirkju kl. 11:00
Guðrún Jóhanna Jónsdóttir, Svava Kristín Ingólfsdóttir, Einar Clausen og·Sæberg Sigurðsson syngja, Ágústa Dómhildur Karlsdóttir leikur á fiðlu og Brynhildur Ásgeirsdóttir á þverflautu.·Organisti: Arnhildur Valgarðsdóttir. Sr. Gunnar Kristjánsson prédikar og þjónar·fyrir altari. Messunni verður·útvarpað beint á rás 1.

Reynivallasókn í Kjós.
Hátíðarguðsþjónusta í Reynivallakirkju í Kjós kl. 14:00
Kirkjukór Reynivallakirkju syngur,·Brynhildur Ásgeirsdóttir leikur á þverflautu. Organisti er Páll Helgason. Sr. Gunnar Kristjánsson predikar og þjónar fyrir altari.

Gamlársdagur
Aftansöngur í Brautarholtskirkju kl. 17:00
Félagar úr Karlakór Kjalnesinga syngja. Organisti er Páll Helgason. Sr. Gunnar Kristjánsson predikar og þjónar fyrir altari.

Aðkoma opinberra aðila

Kynning og undirbúningur málsins

En af hverju Ísland, og af hverju Hvalfjörður?

Af ábyrgð og ímynd

Samgöngur til og frá höfuðborginni

Að undanförnu hafa átt sér stað talsverðar umræður um samgöngumál og umferðaröryggi. Sú umræða hefur oftar en ekki skapast í framhaldi af slysum eða umferðaróhöppum og inn í þá umræðu blandast eðlilega samgöngur til og frá Reykjavík. Það er því hryggilegt að sjá hversu litla áherslu stjórnvöld leggja á frekari samgöngubætur til og frá höfuðborginni okkar. Samtök Sveitarfélaga á Vesturlandi hafa síðastliðin ár lagt mikla áherslu á mikilvægi tvöföldunar á þjóðvegi 1 frá Holtavörðuheiði að Kollafirði. Hafa samtökin bent á mikilvægi þess að hefjast framkvæmda sem fyrst vegna þeirrar miklu aukningar á þungaflutningum á þessum slóðum síðastliðin ár. Hafa önnur samtök, þar á meðal íbúasamtökin á Kjalanesi sem og Hverfisráð Kjalarness, sent frá sér ályktanir sem snúa að þessum málum. 

Slit og slysahætta

Í dag er ekkert flutningaskip sem siglir úti fyrir ströndum Íslands með viðkomu í helstu höfnum hringinn í kringum landið. Það er eðlilegt að vöruflutningar hafi færst í auknum mæli inn á þjóðvegakerfið vegna krafna um ferskleika vöru við afhendingu. Staðreyndin er hins vegar sú að þróunin hefur leitt til þess að allir flutningar fara landleiðina því ekki hefur þótt hagkvæmt að aðeins hluti vöruflutninga sé á hafi úti. Allir flutningar fara því landleiðina með þeirri miklu umferð sem því fylgir og ómældu sliti á vegakerfinu. Þessir flutningabílar eru allt að 50 tonn fullhlaðnir á meðan meðalfólksbíllinn er innan við 2 tonn. Hver maður sér hina auknu slysahættu sem af þessu hefur hlotist. Það er því löngu tímabært að kanna kosti þess að niðurgreiða strandsiglingar með opinberu fé því talsverður sparnaður hlýtur að koma á móti vegna minna slits á vegakerfi landsmanna og vegna minni slysahættu. Þetta er sú alvarlega staðreynd sem blasir við okkar í dag – flutningar á vörum og sjávarfangi fara þvers og kruss um þjóðvegi landsins, flestir með viðkomu í höfuðborginni, og aldrei kemur Sundabraut. 

Hefjumst handa við tvöföldun þjóðveganna til og frá Reykjavík

Ég tel að á meðan samgönguráðherra er að velta fyrir sér legu Sundabrautar og því hvort innheimta eigi veggjald vegna þeirrar framkvæmdar þá gæti hann byrjað að gera vegina til og frá höfuðborginni sómasamlega. Hann gæti byrjað nú þegar að tvöfalda akreinar frá Borgarnesi að Reykjavík, þ.e. að þeim stað sem Sundabraut kemur upp á Kjalarnes. Vesturlandsvegur í þeirri mynd sem hann er í nú gengur ekki og þolir enga bið. Hið sama á við um Suðurlandsveg til Selfoss. Við höfum horft upp á svo mörg alvarleg slys á þessum vegaköflum undanfarin ár og alltaf þyngist umferðin. 

Landsmenn eru orðnir langþreyttir á aðgerðaleysi samgönguyfirvalda og vilja skýr svör og ákvarðanir. 

Því segi ég vaknaðu herra samgönguráðherra. Slysin gera ekki boð á undan sér. 

Þórir Ingþórsson

Esjugrund 52

116 Kjalarnesi

Marta Guðjónsdóttir fulltrúi sjálfstæðismanna í Hverfaráði Kjalarness skrifaði grein sem birtist í Morgunblaðinu þriðjudaginn 28. mars 2006.

{mosimage}

Kjalarnesið - Vítaverð vanræksla R-listans

Ég hef setið í hverfisráði Kjalarness á þessu kjörtímabili og fylgst þar með þeim vinnubrögðum R-listans er lúta að málefnum íbúanna. Þau vinnubrögð geta ekki fengið aðra umsögn en vítaverð vanræksla. Tekið hefur verið á brýnustu hagsmuna- og öryggismálum íbúanna með fullkomnu sinnuleysi og framtaksleysi og endalausum innantómum loforðum sem flest, ef ekki öll, hafa lent upp í erminni.

Kjalnesingar hlunnfarnir

Sú var tíðin, 1998, að fyrrverandi borgarstjóri, Ingibjörg Sólrún Gísladóttir, hafði uppi fjálglega frasa um gagnkvæma hagsmuni, beggja sveitarfélaganna, Reykjavíkur og Kjalarness, af sameiningunni.

En nú er öldin önnur: R-listanum hefur ekki þótt neitt sjálfsagðara en að svíkja flest loforð gagnvart Kjalnesingum og brjóta á þeim samninga, m.a. þann samning sem sveitarfélögin gerðu með sér við sameininguna. Kjalnesingar hafa svo sannarlega fengið að reyna að þeir eru olnbogabarn borgarinnar. Nú er svo komið að margir málsmetandi Kjalnesingar, telja sig og sveitunga sína hafa heldur betur verið hlunnfarna, og eru farnir að efast um réttmæti sameiningarinnar.

Öryggismál í ólestri

Kjalarnesið er beinlínis lífshættulegt íbúasvæði, börnum, unglingum og fullorðnum. Það er oft stórhættulegt ökumönnum og farþegum þeirra að hægja mikið á sér á Vesturlandsveginum og beygja síðan inn í Grundarhverfið vegna ógnarhraða og sívaxandi umferðar, sífellt stærri og fleiri vöruflutningabíla, að ekki sé nú talað um aðra og fáfarnari afleggjara Vesturlandsvegar á Kjalarnesi.

Sjálfstæðismenn í umhverfisráði lögðu fram tillögur um úrbætur í umferðaröryggismálum á Kjalarnesi 22. febrúar sl., en R-listinn frestaði tillögunni. Það er dæmigerð afstaða þeirra þegar málefni Kjalarness eru annars vegar.

Börn og unglingar á Kjalarnesi hafa reynt eftir megni að leika knattspyrnu í moldarsvaði meðfram Vesturlandsveginum þar sem umferðarþunginn er gífurlegur. Þar er ekki einu sinni rolluheld girðing og svo stutt í þjóðveginn að boltinn fer oft út á og yfir veginn. Börnin og unglingarnir hafa þolinmóð beðið eftir, einum einasta, þokkalegum sparkvelli frá því slíkum velli var lofað fyrir tveimur árum. En þar er líklega til of mikils mælst, enda bólar ekkert á vellinum.

Margsvikin loforð

Meira en helmingur vegakerfisins á Kjalarnesinu er malarvegir eins og tíðkuðust í Reykjavík áður en Geir Hallgrímsson, þáverandi borgarstjóri, útrýmdi slíkum götum og vegum á sjöunda áratug síðustu aldar. Nýbyggingin við grunnskóla hverfisins, Klébergsskóla, heldur ekki vatni og hefur ekki gert það frá því hún var tekin í notkun.

Fjögur ár, samfleytt, frestaðist skólahald við Klébergsskóla vegna seinkunar á framkvæmdum við skólann. Skólalóð Klébergsskóla er algjörlega ófrágengin, þrátt fyrir margítrekuð loforð um frágang hennar. Leikskólinn sem upphaflega og réttilega átti að verða þriggja deilda, var minnkaður niður í tveggja deilda skóla með þeim afleiðingum að hann er nú þegar orðinn of lítill. Aðkoman að honum er kennslubókardæmi í slysagildrum fyrir börn og fullorðna.

Enn hefur ekki verið lokið við gangstéttagerð og ýmsan annan frágang við götur Grundarhverfis þó nú hafi í mörg ár tíðkast í Reykjavík og öðrum bæjarfélögum að ganga frá slíkum framkvæmdaatriðum áður en íbúar flytja í hið nýja hverfi. Og svona gæti ég lengi haldið áfram. Allt er á sömu bókina lært.

Korter fyrir kosningar

Ekkert af þessu er þó aðalatriðið hér: Aðalatriðið er sjálfumgleði og hroki þeirra fulltrúa R-listans sem fimmtudaginn 23. mars sl. létu loks draga sig upp á Kjalarnes á kosningafund, korter fyrir kosningar, hlusta þar á umkvartanir íbúanna, - en tóku síðan til máls og töluðu fjálglega um sínar fallegu framtíðarhugsjónir, en létu umkvartanirnar íbúanna sem vind um eyru þjóta.

Slík framkoma sýnir fádæma valdhroka og er því frágangssök.

Það er athyglisvert, að mörg - jafnvel flest - þeirra úrlausnarefna sem hér koma til álita, kosta borgina óverulegar fjárhæðir miðað við öryggishagsmuni Kjalnesinga. Spurningin snýst því ekki um fjármuni, heldur áhuga á velferð borgaranna og að staðið sé við gerða samninga.

Við sjálfstæðismenn teljum það sjálfsagða skyldu okkar að standa við samninga og gefin loforð. Við viljum láta verkin tala, teljum það skyldu okkar að hlusta á íbúa borgarinnar, forgangsraða verkefnum og framkvæma án tafar það sem er aðkallandi.og varðar öryggi borgarbúa. Við munum því standa við þau fyrirheit á Kjalarnesinu sem R-listinn hefur svikið.

Greinin birtist í Morgunblaðinu þriðjudaginn 28. mars 2006.