Þá er vetrardagskráin fyrir íþróttastarf UMFK komin hér. 

Sund 6-15 ára

Sundæfingar halda  áfram fyrir krakka á grunnskólaaldri. Æfingar verða undir stjórn Jóns Karlssonar á mánudögum og miðvikudögum kl. 14.40 -15.20 og og 15.20- 15.50. Athugið að fyrsta æfing verður miðvikudaginn 12. september. Haustönn stendur yfir frá september fram í miðjan desember og æfingagjöld miðað við 2 x í viku er kr. 12.000- Skráning er hafin hafin íþróttamiðstöðinni Klébergi.

Fimleikar

 Fimleikar hefjast 10. september og lýkur um miðjan desember. Æfingar verða eins og áður 2 x í viku 75 mínútur í senn í senn á mánudögum kl. 19:00 – 20:15  og fimmtudögum kl. 15:00-16:15. Áfram verður lögð áhersla á að auka styrk, liðleika og fimi og þannig lagður grunnur að frekari fimleikaiðkun. Æfingagjöld fyrir haustönn eru kr. 12.000- Þjálfari verður Selma Úlfarsdóttir. Skráning er hafin í íþróttamiðstöðinni Klébergi. 

Fótbolti

Fótboltaæfingar verða eins og áður á miðvikudögum kl. 16.00 yngri flokkur og kl. 17.00 eldri flokkur. Á laugardögum kl.10:00 yngri flokkur og kl. 11:00 eldri flokkur. Stefnt er að keppnisferðum. Þjálfarar verða Kristinn Guðmundsson og Þórður Ingi Marelsson.

Æfingar hefjast þann 12. september og standa fram í miðjan desemberr. Æfingagjaldið er kr. 12.000- Skráning er hafin í íþróttamiðstöðinni Klébergi.

Dans

 Dansnámskeið fyrir fullorðna verður haldið dagana 19. og 20. október,  og kenndur verður Sving dans. Dansinn verður frá kl. 20.00 – 22.00 hvort kvöld. Þetta er skemmtilegt tækifæri fyrir Kjalnesinga  og Kjósamenn að skella sér í snúning og hafa gaman saman. Swing er einfaldur dans, skemmtilegur og auðveldur og hægt að dansa við öll tækifæri. Við hvetjum hjón, pör og einstaklinga til að mæta og læra að dansa Swing á tveimur kvöldum.  Mikilvægt er að mæta í þægilegum lágbotna skóm. Leiðbeinendurnir, Hinrik Örn Bjarnason og Brynja Ásdís Einarsdóttir frá samtökunum Komið og dansið sjá um kennsluna.  Nauðsynlegt er að skrá þátttöku sem fyrst og ekki síðar en 10.október hjá Fríðu Halldórsdóttur. Verð fyrir par er 2500 kr. og 1500 kr. fyrir einstakling.  Látið þetta ekki fram hjá ykkur fara!

 Einnig verður sérstakt Swing dansnámskeið haldið fyrir unglinga  í félagsmiðstöðinni. Allar nánari upplýsingar um það berast til félgasmiðstöðvarinnar þegar nær dregur. Viljum við nota tækifærið og hvetja unglinga til að nota tækifærið og læra skemmtilegan dans.

Stafganga

Stafgöngunámskeið fyrir konur og karla verður á haustönn. Gengið verður 2x í viku, á miðvikudögum kl. 20.00 og sunnudögum kl. 10.30.  Hefst námskeiðið sunnudaginn 16. september og stendur yfir í 10 vikur. Skráning er hjá Fríðu Halldórsdóttur í  síma 553-7998 á kvöldin. Allir velkomnir, bæði konur og karlar. Bæði byrjendur og lengra komnir. Miðvikudaginn 12.  september verður kynning á stafgöngu fyrir byrjendur og er mæting við Esjugrund 48. kl. 20.00. Skráning fyrir kynninguna er nauðsynleg í síma 553-7998  svo hægt verði að útvega lánsstafi fyrir þá sem vilja prófa.

Sumardagar Brautarholtssóknar verða haldnir 3.-7. júli frá kl. 9:00-12:00. 

Sumardagar eru leikjanámskeið fyrir börn 6 ára og eldri haldið í Fólkvangi á vegum Brautarholtssóknar. 

Fræðsla, föndur, leikir, söngur og margt fleira skemmtilegt verður á sumardögunum. 

Sumardagar eru í boði Brautarholtssóknar og þátttakendum að kostnaðarlausu. 

Brautarholtssókn býður upp á drykki í nestistímanum en börnin koma sjálf með nesti.  Nauðsynlegt er að koma með útiföt.

Umsjón með sumardögunum að þessu sinni hefur Ingi Þór Emilsson æskulýðsfulltrúi Ástjarnarsóknar og með honum verður valið lið æskulýðsleiðtoga. 

Nánari upplýsingar um Sumardaga má fá hjá Inga Þór í síma 861-4099

Sumardagarnir eru í boði Brautarholtssóknar og ekki þarf að skrá börnin fyrirfram.

verða haldnir í félagsheimilinu Fólkvangi dagana 10. – 13. júní 2003 frá kl 13 til 16.

Vordagarnir eru að þessu sinni einkum miðaðir við 6 til 10 ára börn. Fræðsla ásamt leikjum, söng og gleði verður í fyrirrúmi.  Þessir dagar eru undir stjórn Hrundar Þórarinsdóttur djákna en hún hefur ásamt aðstoðarfólki sínu náð vel til þeirra fjölmörgu barna sem sækja vordagana.

Foreldrar 6 til 10 ára barna eru sérstaklega hvattir til að gefa börnunum kost á að taka þátt í vordögunum sem eru þeim að kostnaðarlausu.

Fyrirspurnir má leggja inn HÉR, og nánari upplýsingar eru veittar HÉR.

Vordagar kirkjunnar er tilboð um skemmtilega samveru við leik og fræðslu fyrir krakka á Kjalarnesi. Vordagarnir eru hluti af barnastarfi kirkjunnar og byggja á fræðslu og upplifun kristinnar trúar.

Í ár er þema daganna "Ég er frábær sköpun Guðs" og snýst um einstaklinginn í umhverfinu sem sérstakan og dýrmætan í augum Guðs. Unnið verður með þemað í leik og föndri og fræðslu, inni og úti.

Efni vordaganna er miðað við aldurshópinn 6 til 10 ára. Vordagarnir standa yfir frá kl. 13-16 og eru öllum að kostnaðarlausu.

Ath. að koma með nesti og vera klædd eftir veðri.

Sóknarprestur  og sóknarnefnd Brautarholtskirkju.

í félagsheimilinu Fólkvangi dagana 18. – 20. júní 2003 frá kl 13 til 16.
Sumardagarnir eru miðaðir við unglinga frá 10 ára aldri.  Unnið verður í hópum úti og inni. Fræðsla ásamt leikjum verður í fyrirrúmi.  Þessir dagar eru undir stjórn Hrundar Þórarinsdóttur djákna en hún og aðstoðarfólk hennar hefur mikla reynslu í vinnu með unglingum. 

Foreldrar eru sérstaklega hvattir til að gefa unglingunum kost á að taka þátt í þessum fyrstu  sumardögum kirkjunnar á Kjalarnesi. 

Missið ekki af þessari nýjung í kirkjustarfi á Kjalarnesi.

Fyrirspurnir má leggja inn HÉR, og nánari upplýsingar eru veittar HÉR.

Sumardagar kirkjunnar er tilboð um skemmtilega samveru við leik og fræðslu fyrir krakka á Kjalarnesi dagana 18.-20. júní. Sumardagarnir eru hluti af barnastarfi kirkjunnar og byggja á fræðslu og upplifun kristinnar trúar.

Í ár er þema Sumardaganna "Ég er frábær sköpun Guðs" og snýst um einstaklinginn í umhverfinu sem sérstakan og dýrmætan í augum Guðs. Unnið verður með þemað í leik og föndri og fræðslu, inni og úti.

Sumardagarnir standa yfir frá kl. 13-16 og eru öllum að kostnaðarlausu.

Ath. að koma með nesti og vera klædd eftir veðri.

Sóknarprestur  og sóknarnefnd Brautarholtskirkju.