Jólatréssala á Fossá í Hvalfirði

Hefur þig dreymt um að fara með fjölskyldu þinni í skógarhögg, þar sem þið veljið ykkar eigið jólatré og höggvið það sjálf?

Einstaklingum sem og starfsmannahópum gefst frábært tækifæri til að koma í desember að Fossá í Kjós og ná sér í jólatré.

Þið getið komið með nesti með ykkur og sest inn í húsið á Fossá og borðað það þar svo lengi sem húsrúm leyfir eða ef veðrið er gott er hægt að sejast niður með nestið í einhverju rjóðrinu í skóginum.

Helgarnar 1. desember, 7. og 8. desember, 14. og 15. desember og 22. desember verður opið þar fyrir almenning, frá kl. 11:00 til 15:30.  Allur ágóði rennur til skógræktar og uppbyggingar útivistarsvæðis á jörðinni. Skógræktarfélögin í Kópavogi, Mosfellsbæ, Kjalarnesi og Kjós eiga þetta svæði og hafa plantað í það í um 30 ár.

Nánari upplýsingar í síma; 694-2130 eða vellir2@isl.is (Lilja) og 695-5116 eða melar@kjalarnes.is (Guðni).

Með því að velja íslenskt jólatré styrkir þú skógræktarstarfið í landinu. Fyrir hvert selt jólatré geta skógræktarfélögin gróðursett 30 - 40 ný tré.

Jólatré standa best ef þau eru geymd á köldum og rökum stað fram að jólum. Við uppsetningu er rétt að saga þunna sneið neðan af trénu og láta það standa samfellt í vatni yfir hátíðarnar. Mikilvægt er að það þorni aldrei.

Íslensk jólatré eru barrheldnari en innflutt vegna þess að þau eru höggvin miklu síðar en þau innfluttu og ef þau þorna aldrei byrja þau að vaxa um þrettándann.

 Verð á jólatrjám 2002

                     Greni            Fura
<= 1,0 m      1.500           1.900
<= 1,5 m      1.700           2.300
<= 2,0 m      2.300           3.200
<= 2,5 m      3.400           4.200
<= 3,0 m      4.400           5.700
<= 3,5 m      5.900           7.200

Með jólakveðju,

Skógræktarfélögin.

Aðalfundur skógræktarfélags Kjalarness var haldinn í Fólkvangi miðvikudagsinn 10. apríl.

Fundurinn samþykkti áskorun til borgarstjórnar.

Aðalfundur skógræktarfélags Kjalarness var haldinn í Fólkvangi miðvikudagsinn 10. apríl. Engar breytingar urðu á aðalstjórn en í varastjórn komu ný inn Sigríður Bjartmarsdóttir og Símon Þorleifsson.

Fundurinn samþykkti eftirfarandi áskorun til borgarstjórnar:

Jón Geir Pétursson skógfræðingur hjá Skógræktarfélagi Íslands flutti fróðlegan fyrirlestur sem bar heitið "Trén í garðinum".Ræddi hann um ýmis tré sem ættu að þola “lognið” á Kjalarnesi.

Aðalfundur skógræktarfélags Kjalarness verður haldinn í Fólkvangi miðvikudaginn 10. apríl kl.: 20:30.

Allir velkomnir.

Stjórnin

Þann 28. nóvember verður föndurkvöld Skógræktarfélags Kjalarness haldið.

Nú er jólaundirbúningurinn að fara af stað hjá okkur. Þann 28. nóvember verður skógræktarfélagið með jólaföndur í Kiwanishúsinu í Mosfellsbæ. Þemað verður skógurinn og það sem við getum föndrað úr efnivið hans . Við byrjum klukkan 20:00 og föndrum til kl. 23:00. Kaffiveitingar á staðnum.

Jólatrésala verður inn á Fossá helgarnar 8. og 9. desember og 15. og 16. desember. Þann 15. desember mun Skógræktarfélag Kjalarness sjá um söluna og verða seldar smákökur og heitt kakó en það mæltis vel í fyrra.

Nú er bara að taka frá dagsetningarnar og smella sér á þessa viðburði.

Stjórnin

Skógræktarfélag Kjalarness verður með útplöntunardag í Mógilsá 20. júní kl. 20:00. Plantað verður í nýtt svæði sem Skógræktarfélag Kjalarness hefur fegnið umsjón með. Hvetjum alla að koma og eiga góða stund í Mógilsá og endilega mæta með kvöldkaffi með sér. Nánari upplýsingar fást hjá Guðna í síma: 695-5116 eða í gegnum netfangið skograekt@visir.is

Athugið að allir eru velkomnir!!

Stjórnin.